Author: નોબત સમાચાર
ચોરી અથવા છળકપટથી મેળવેલા બાઈક સાથે એક શખ્સની અટકાયત
એલસીબીએ બાઈક કબજે કર્યું:
જામનગર તા. ૨૬: જામનગરના ખીજડિયા બાયપાસથી ધુંવાવ વચ્ચે પસાર થતાં એક બાઈકચાલકને રોકી એલસીબીએ પૂછપરછ કર્યા પછી તે વાહન ચોરી કે છળ કપટથી મેળવાયાની શંકા સેવી બાઈક કબજે કર્યું છે અને આ શખ્સની પૂછપરછ આદરી છે.
જામનગર-રાજકોટ માર્ગ પર ખીજડિયા બાયપાસથી ધુંવાવ તરફ આવતા એક શખ્સ પાસે શક પડતું મોટરસાયકલ હોવાની બાતમી એલસીબીને મળતા પીઆઈ વી.એમ. લગારીયાની સૂચના અને પીએસઆઈ પી.એન. મોરીના વડપણ હેઠળ એલસીબીની ટીમ વોચમાં ગોઠવાઈ હતી.
તે દરમિયાન રાજકોટના ત્રંબા ગામનો રજની ઉર્ફે રેલાભાઈ જાદવભાઈ મકવાણા નામના શખ્સને બાઈક સાથે રોકી લેવાયો હતો. નંબર પ્લેટ વગરના બાઈક અંગે પૂછપરછ કરાતા આ શખ્સ પાસે તેનું બીલ કે અન્ય કોઈ આધાર નહીં મળતા એલસીબીએ રૂ.૩૦ હજારનું બાઈક બીએનએસની કલમ ૧૦૬ હેઠળ કબજે કરી રજની મકવાણાની પૂછપરછ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
