Author: નોબત સમાચાર
જૂના રેલવે સ્ટેશન પાસે વર્ષાે જૂના કૂવામાંથી અજાણ્યા પ્રૌઢનો મળ્યો મૃતદેહ
મૃતકની ઓળખ મેળવવા પોલીસ દ્વારા તપાસઃ
જામનગર તા. ૨૬: જામનગરના જૂના રેલવે સ્ટેશન પાસે ગીતા લોજવાળી ઈમારત નજીક આવેલા વર્ષાે જૂના એક કૂવામાંથી ગઈરાત્રે અજાણ્યા પ્રૌઢનો મૃતદેહ મળી આવ્યો છે. ફાયરબ્રિગેડની ટીમે મૃતદેહને બહાર કાઢ્યો હતો. પોલીસે એક સમાજસેવીનું નિવેદન નોંધી મૃતદેહને પી.એમ.માં ખસેડ્યો છે અને મૃતકની ઓળખ મેળવવા તપાસ શરૂ કરી છે.
જામનગરના જૂના રેલવે સ્ટેશન પાસે આવેલી ગીતા લોજવાળી ઈમારત નજીકના એક વર્ષાે જૂના કૂવામાં ગઈરાત્રે એક પુરૂષ પડેલા જોવા મળતા કોઈએ સમાજ સેવક હિતેશગીરી લાલગીરી ગોસાઈને જાણ કરી હતી. તેઓએ ફાયરબ્રિગેડને વાકેફ કરતા ફાયરના જવાનો ધસી ગયા હતા. તેઓએ કૂવામાંથી પચ્ચાસેક વર્ષની વયના લાગતા અજાણ્યા પ્રૌઢને બહાર કાઢી ૧૦૮ની ટીમને સોંપ્યા હતા. તેના તબીબે આ પ્રૌઢને મૃત્યુ પામેલા જાહેર કર્યા હતા. સિટી બી ડિવિઝનના પીએસઆઈ આર.પી. અસારીએ મૃતદેહને પી.એમ. માટે ખસેડી હિતેશગીરીનું નિવેદન નોંધ્યું છે. પોલીસે મૃતકની ઓળખ મેળવવા તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
