Author: નોબત સમાચાર
જુગારના ત્રણ દરોડામાં બાર મહિલા સહિત અઢાર ઝડપાયા
જામનગર તા.૬: જામનગરની તિરૂપતિ સોસાયટીમાં ગઈરાત્રે જુગાર રમતા છ મહિલાને પોલીસે પકડી પાડ્યા હતા. જ્યારે સિક્કામાંથી એક શખ્સ અને છ મહિલા તીનપત્તી રમતા ઝડપાયા છે. ઉપરાંત જામનગરના મોડપરમાંથી પોલીસે પાંચ પત્તાપ્રેમીની ધરપકડ કરી હતી. ત્રણેય સ્થળેથી કુલ ₹ ૩૩ હજાર ઉપરાંતનો મુદ્દામાલ કબજે કરવામાં આવ્યો હતો.
જામનગરના ઢીંચડા રીંગ રોડ પર આવેલી તિરૃપતિ સોસાયટીમાં ગઈકાલે રાત્રે જાહેરમાં જુગાર રમાતો હોવાની બાતમી પરથી સિટી-સી ડિવિઝનના સ્ટાફે દરોડો પાડ્યો હતો. ત્યાંથી વર્ષાબેન દિનેશભાઈ ત્રિવેદી, ગીતાબેન હિતેન્દ્રભાઈ કુંડલ, અંજનાબેન જીતેન્દ્રભાઈ જસા, વર્ષાબેન પ્રવીણભાઈ ભારદીયા, મીનાબેન મહેશભાઈ શાહ અને જયોત્સનાબેન પ્રવીણભાઈ કનખરા નામના છ મહિલા તીનપત્તી રમતા મળી આવ્યા હતા. પટમાંથી ₹ ૧૩,૨૩૦ રોકડા કબજે કરી પોલીસે કાનૂની કાર્યવાહી કરી છે.
જામનગર તાલુકાના સિક્કામાં આવેલી ગ્રીનવિલા સોસાયટી પાસે ત્રણ નંબરની શેરીમાં ગઈરાત્રે જુગાર રમાતો હોવાની વિગત મળતા સિક્કા પોલીસે રાત્રે દોઢ વાગ્યે દરોડો પાડતા ત્યાંથી ભાણવડના જાગૃતિબેન સુરેશભાઈ બાટા, નીમુબેન જયંતિભાઈ બાટા, જામનગરના અમરીબેન ભીમાભાઈ સાગઠીયા, સિક્કાના ગૌરીબેન વાલાભાઈ સાગઠીયા, સડોદરના મેનાબેન મંગાભાઈ રાઠોડ, સંગ ચિરોડાના મધુબેન ભરતભાઈ સોલંકી અને સડોદરના નિલેશ મુકેશભાઈ રાઠોડ નામના સાત વ્યક્તિ મળી આવ્યા હતા. પટમાંથી ₹ ૮,૨૫૦ રોકડા કબજે કરાયા છે.
જામનગર તાલુકાના મોડપર ગામમાં આવેલા કોળીવાસમાં ગઈરાત્રે બારેક વાગ્યે જાહેરમાં ગંજીપાના કૂટતા ચનાભાઈ અમરાભાઈ ઠુંગા, રઝાકશા કરીમશા શાહમદાર, મહેશ દાનાભાઈ મકવાણા, હુસેન અબ્બાસ શેખ, નવલભાઈ સાજણભાઈ ઠુંગા નામના પાંચ શખ્સ પોલીસના દરોડામાં પકડાઈ ગયા હતા. પટમાંથી ₹ ૧૨,૧૧૦ રોકડા કબજે કરવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
