Author: નોબત સમાચાર
નાની ખાવડીની સીમમાં યુવાનનો સાંપડ્યો મૃતદેહ પત્નીની પજવતી કરતો હોવાની શંકાથી કરાઈ હત્યા
મોરબીના ટંકારા ગામના આરોપીની પોલીસ દ્વારા સઘન શોધખોળઃ
જામનગર તા. ૯ઃ જામનગર તાલુકાના નાની ખાવડી ગામના એક યુવાનનો હત્યા કરાયેલો મૃતદેહ ગઈકાલે ગામની સીમમાંથી મળી આવ્યો છે. આ યુવાનની મોરબીના ટંકારા ગામના શખ્સે હત્યા કરી હોવાની આશંકા સેવી મૃતકના પિતાએ ફરિયાદ નોંધાવી છે. મૃતક યુવાન આરોપીના પત્નીને હેરાન કરતો હોવાની શંકાથી આ બનાવ બન્યો હોવાનું જાણવા મળી રહ્યું છે.
જામનગર-ખંભાળિયા માર્ગ પર આવેલા સિક્કા પાટીયાથી સિક્કા ગામ તરફ જવાના માર્ગ પર નાની ખાવડી ગામની સીમમાં રહેતા બળભદ્રસિંહ વનરાજસિંહ જાડેજા નામના યુવાનની ગઈકાલે તિક્ષણ હથિયાર વડે હત્યા કરી નાખવામાં આવી છે.
આ યુવાન શનિવારની રાત્રે પોતાના ઘરેથી નીકળ્યા પછી ગઈકાલે બપોરે તેઓનો મૃતદેહ મળી આવ્યો છે. તેમના ગળા પર તિક્ષણ હથિયારનો ઘા જોવા મળ્યો હતો. પોલીસે મૃતદેહનો કબજો સંભાળી પીએમ માટે જામનગર ખસેડ્યા પછી તપાસનો ધમધમાટ શરૃ કર્યાે હતો.
આ બનાવમાં જાણવા મળતી વિગતો મુજબ મોરબી જિલ્લાના ટંકારા ગામના જનકસિંહ વિક્રમસિંહ ઝાલા નામના શખ્સે તિક્ષણ હથિયાર વડે બળભદ્રસિંહનું ગળુ કાપી નાખી તેની હત્યા નિપજાવી છે. જનકસિંહ અને બળભદ્રસિંહ વચ્ચે તકરાર થયા પછી જનકસિંહે હત્યા કરી હોવાની ફરિયાદ મૃતકના પિતા વનરાજસિંહ જાડેજાએ પોલીસમાં કરી છે.
મૃતક યુવાન આરોપી જનકસિંહના પત્નીને હેરાન કરતો હોવાની શંકાથી હત્યા કરાઈ હોવાની આશંકા સેવાઈ રહી છે. શનિવારે મોડીસાંજે બળભદ્રસિંહ પોતાના ઘરેથી નીકળ્યા પછી ગઈકાલે તેઓનો હત્યા કરાયેલો મૃતદેહ મળી આવ્યો છે. હત્યાના આરોપીના સિક્કા પોલીસ તથા એલસીબી દ્વારા સગડ દબાવવામાં આવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
