Author: નોબત સમાચાર
મોટરના ચોરખાનામાં રાખીને લઈ જવાતી ઈંગ્લીશ દારૂનો જથ્થો ઝડપતી એલસીબી
બાઈકમાં બે ચપલા સાથે જતો શખ્સ ઝબ્બેઃ
જામનગર તા. ૯ઃ જામનગરના રણજીતસાગર રોડ પર આવેલી એક સોસાયટી પાસેથી પસાર થતી એક મોટરના ચોરખાનામાંથી એલસીબીએ ઈંગ્લીશ દારૃની ૧૮૦ બોટલ કબજે કરી છે. પરપ્રાંતીય આરોપીએ જામનગરના એક મહિલા સહિત બેના નામ આપ્યા છે. ઉપરાંત રાજપાર્ક પાસેથી એક શખ્સ બે ચપલા સાથે મળી આવ્યો છે. સોનલનગરમાંથી દેશી દારૃની ભઠ્ઠી ઝડપાઈ છે.
જામનગરના રણજીત સાગર રોડ પર આવેલી મયુર ગ્રીન સોસાયટી-૧ પાસેથી શનિવારે રાત્રે પસાર થઈ રહેલી એચઆર-૨૬-એવાય ૪૯૦ નંબરની સેન્ટ્રો મોટરને એલસીબીના કિશોર પરમાર તથા ક્રિપાલસિંહની બાતમીના આધારે સ્ટાફે રોકાવી તેની તલાશી લીધી હતી.
આ મોટરમાં બનાવવામાં આવેલા ચોરખાનામાંથી ભારતીય બનાવટના અંગ્રેજી શરાબની ૧૮૦ બોટલ મળી આવી હતી. તે બોટલ સાથે મૂળ ઉત્તરપ્રદેશના અમેઠી જિલ્લાના ગરથોલીયા ગામના ક્રિપાશંકર ઓમકારનાથ શર્મા નામના શખ્સની અટકાયત કરાઈ છે.
અંદાજે રૃા.૯૦,૦૦૦ની કિંમતનો દારૃનો જથ્થો, ત્રણ મોબાઇલ તથા રૃા.ર લાખની મોટર કબજે કરી એલસીબીએ ક્રિપાશંકરની પૂછપરછ કરતા તેણે કિસાનચોકમાં રહેતા વિશાલ પ્રવીણભાઈ માવ તથા આયુર્વેદિક કેમ્પસમાં રહેતા આસુબા સોઢાનું નામ આપ્યંંુ છે.
જામનગર નજીક ગુલાબનગર રોડ પર આવેલા ગણેશ કોલ્ડ સ્ટોરેજવાળા ઢાળિયા પાસેથી શનિવારે રાત્રે પસાર થતા જીજે-૧૦-ડીએમ ૨૬ નંબરના બાઈકને રોકાવી પોલીસે ચેક કરતા રાજપાર્કમાં રહેતો મુસ્તુફા કાદરખાન પઠાણ નામના શખ્સના કબજામાંથી અંગ્રેજી શરાબના બે ચપલા મળી આવ્યા હતા.
જામનગરના સોનલનગર વિસ્તારમાં આવેલી મોબાઈલની એક દુકાન પાસે નગાભાઈ વાલાભાઈ કારીયા નામના શખ્સના ઝૂંપડામાં પોલીસે ગઈરાત્રે દરોડો પાડી તલાશી લેતા ત્યાંથી દેશી દારૃની ભઠ્ઠી મળી આવી છે. સ્થળ પરથી ૪૦૦ લીટર આથો, ૧૦ લીટર દેશી દારૃ, ભઠ્ઠીના સાધનો કબજે કરી પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
