Author: નોબત સમાચાર
પ્રેમલગ્નનો ખાર રાખી નથુવડલાના યુવાન પર ત્રણ શખ્સનો હિચકારો હુમલો
અગાઉના મનદુખના કારણે યુવકના હાથ-પગ ભાંગ્યાઃ
જામનગર તા. ૯ઃ ધ્રોલના નથુવડલા ગામના એક યુવાને બીજી જ્ઞાતિમાં પ્રેમલગ્ન કર્યા પછી તે બાબતનો ખાર રાખી ત્રણ શખ્સે હુમલો કરી જ્ઞાતિ પ્રત્યે હડધૂત કર્યાની પોલીસમાં ફરિયાદ કરાઈ છે. અગાઉની માથાકૂટના મામલે હાપામાં એક યુવાનને ત્રણ શખ્સે માર મારી બંને હાથ-પગ ભાંગી નાખ્યા છે.
ધ્રોલ તાલુકાના નથુવડલા ગામમાં રહેતા શૈલેષભાઈ હીરજીભાઇ પરમાર નામના યુવાને થોડા સમય પહેલા ગામના જ એક પરિવારની પુત્રી સાથે પ્રેમલગ્ન કર્યા હતા.
તે બાબત નથુવડલા ગામના દિનેશ વલ્લભભાઈ મેવાડા, રામાભાઈ માધાભાઈ મેવાડા, રતાભાઇ રેવાભાઈ મેવાડા નામના શખ્સોને પસંદ ન પડતા આ શખ્સો શનિવારે સવારે લાકડી સાથે ધસી આવ્યા હતા. તેઓએ શૈલેષભાઈ પર હુમલો કરી માથા તથા વાંસાના ભાગમાં ઇજા કરવા ઉપરાંત જ્ઞાતિ પ્રત્યે હડધૂત કર્યા હતા અને વચ્ચે પડનાર સવજીભાઈને પણ લાકડીથી ફટકાર્યા હતા.
જામનગર નજીકના હાપા ખારી વિસ્તારમાં ચારણનેસમાં રહેતા પુંજાભાઈ જેસુરભાઈ સોરીયા નામના યુવાનને પાંચેક વર્ષ પહેલા ઢોર બાંધવાના વાડા બાબતે હિતેશ બાંભણિયા નામના રાજપાર્કમાં રહેતા શખ્સ સાથે માથાકૂટ થઈ હતી. તે બાબતનો ખાર રાખી શનિવારે સાંજે હાપા નજીકની એલગન સોસાયટી નજીક આવાસ પાસે પૂંજાભાઈ પાનની દુકાને બેઠા હતા ત્યારે સ્કૂટરમાં ઘસી આવેલા હિતેશ બાંભણીયા દીપક નાનજીભાઈ રાઠોડ, ઇન્દ્રજીત ભુપતભાઈ ડાભીએ મારી નાખવાના ઇરાદે હુમલો કરી આડેધડ માર માર્યો હતો. બંને હાથ તથા બંને પગમાં ફ્રેક્ચર થઈ જતા પૂંજાભાઈને હોસ્પિટલમાં દાખલ કરવામાં આવ્યા છે. પોલીસે હત્યા પ્રયાસ સહિતની કલમ હેઠળ ગુન્હો નોંધી તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
