Author: નોબત સમાચાર
હોર્ન વગાડવાની ના પાડતા બે યુવાન પર બસચાલક સહિત ત્રણે કર્યાે હુમલો
ધ્રોલના ભેંસદળમાં યુવાનને ધોકાવી નખાયોઃ
જામનગર તા. ૧૯: જામનગરના સાતરસ્તા સર્કલમાં બાઈક લઈને જતા એક યુવાનની પાછળ ખાનગી બસમાંથી હોર્ન વગાડવામાં આવતા તેણે હોર્ન વગાડવાની ના પાડી હતી. તે મુદ્દે બોલાચાલી પછી બસચાલક સહિત ત્રણે હુમલો કર્યાે હતો. ધ્રોલના ભેંસદળમાં ગઈકાલે એક યુવાન પર હુમલો કરી માર મારવામાં આવ્યો હતો.
જામનગરના ઢીંચડા રોડ પર ગોકુલધામ સોસાયટી પાસે યાદવનગર નજીક શેરી નં.૭માં રહેતા નીતિન જેસાભાઈ કોડિયાતર નામના યુવાન ગઈકાલે સાતરસ્તા સર્કલમાંથી પોતાના મિત્ર મયુર સાથે બાઈક પર જતા હતા ત્યારે પાછળથી ધસી આવેલી જીજે-૧૦-ટીવાય ૭૭૫ નંબરની બસના ચાલકે હોર્ન વગાડતા નીતિનભાઈએ હોર્ન વગાડવાની ના પાડી હતી. તેથી બસના ચાલકે બાઈક ઉભુ રાખવા ઈશારો કર્યાે હતો.
આથી નીતિને બાઈક સાઈડમાં ઉભુ રાખવા બસમાંથી ઉતરેલા તેના ચાલક તથા બે અજાણ્યા શખ્સે ગાળો ભાંડી નીતિન તથા મયુર પર હુમલો કરી માર મારવા ઉપરાંત બસના ચાલકે હાથમાં પહેરેલુ કડુ નાક તથા માથામાં ઝીંકયું હતું તથા એક શખ્સે પાઈપ કાઢી ધમકી આપી હતી. નીતિને બસચાલક તથા બે અજાણ્યા સામે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
ધ્રોલ તાલુકાના ભેંદ્બાદળ ગામના દિનેશ ભવાનભાઈ ચોટલીયા નામના યુવાન પર ગઈકાલે સવારે તેમના ખેતર નજીક યોગેશ ખેંગારભાઈ નામના શખ્સે હુમલો કરી ઈજા પહોંચાડી હતી. બુધવારની રાત્રે દિનેશને ધીરજ ખેંગારભાઈ સાથે બોલાચાલી થઈ હતી. આ વેળાએ તેઓએ પોલીસ ફરિયાદ કરવાનું કહેતા તેનો ખાર રાખી ધીરજના ભાઈ યોગેશે હુમલો કર્યાે હતો. ધ્રોલ પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
