Author: નોબત સમાચાર
એંસી ફૂટ રોડ પરથી બોટલ સાથે એક શખ્સ ઝબ્બેઃ
ધ્રોલના નથુવડલામાં ખેતરમાંથી મળી આવી દારૂની ર૪ બોટલઃ સપ્લાયરનું નામ ખૂલ્યુંજામનગર તા. ૧૯: ધ્રોલના નથુવડલા ગામમાં એક ખેતરમાંથી પોલીસે ઈંગ્લીશ દારૂની ર૪ બોટલ પકડી પાડી છે. જથ્થા સાથે ઝડપાયેલા શખ્સે સપ્લાયરના નામ, મોબાઈલ નંબર પોલીસને આપ્યા છે. નગરમાં નવા એંસી ફૂટ રોડ પાસેથી શખ્સ દારૂની બોટલ સાથે પકડાયો છે.
ધ્રોલ તાલુકાના નથુવડલા ગામમાં આવેલા એક ખેતરમાં ઈંગ્લીશ દારૂનો જથ્થો પડ્યો હોવાની બાતમી મળતા ગઈકાલે ધ્રોલ પોલીસ સ્ટેશનના સ્ટાફે ત્યાં આવેલા બિપીન દેવજીભાઈ કગથરા નામના શખ્સના ખેતરમાં દરોડો પાડી તલાશી લીધી હતી.
આ ખેતરમાં રાખવામાં આવેલી ભારતીય બનાવટના અંગ્રેજી શરાબની ર૪ બોટલ મળી આવી હતી. પોલીસે રૂ.૧ર હજારની બોટલ કબજે કરી બિપીન કગથરાની ધરપકડ કરી છે. આ શખ્સે તે જથ્થો મુકેશ નામના શખ્સ પાસેથી લીધો હોવાની કબૂલાત આપી તેના મોબાઈલ નંબર પોલીસને આપ્યા છે.
જામનગરના રણજીત સાગર રોડ પર આવેલા નવા એંસી ફૂટ રોડ પર મયુર ગ્રીન્સ સામેથી ગઈકાલે સાંજે પસાર થઈ રહેલા સાધનાકોલોની વાળા ચંદ્રેશ વિનોદરાય જોષી નામના શખ્સને પોલીસે રોકી ચેક કરતા તેના કબજામાંથી દારૂની બોટલ મળી આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
