Author: નોબત સમાચાર
લાખોટા તળાવ અને એમ્યુઝમેન્ટ પાર્કમાં રૂપિયા દોઢ કરોડના ખર્ચે સોલાર ટ્રી લગાવવાનો પ્રારંભ
મહાનગરપાલિકા દ્વારા મોટી સાઈઝનો ગઝીબો પણ લગાવાશે
જામનગર તા. ૨૭: જામનગર મહાનગરપાલિકા દ્વારા શહેરના લાખોટા લેક તેમજ એમ્યુઝમેન્ટ પાર્કમાં રૂપિયા દોઢ કરોડના ખર્ચે સોલાર ટ્રી લગાવવાનું આયોજન હાથ ધરાયુ છે. રણમલ તળાવમાં ૫૦ કિલો વોટના ચાર સોલાર ટ્રી લગાવાયા છે. જ્યારે એમ્યુઝમેન્ટ પાર્કમાં ૩૦ કિલો વોટના બે ટ્રી લગાવાયા છે. રણમલ તળાવ તેમજ એમ્યુઝમેન્ટ પાર્કમાં મોટી સાઇઝના સોલારના ગઝીબો લગાવવાની પણ કાર્યવાહી હાથ ધરી છે. એપ્રિલ માસમાં કાર્યરત થાય તેવી સંભાવના છે.
જામનગર મહાનગરપાલિકા દ્વારા રણમલ તળાવ અને એમયૂઝમેન્ટ પાર્ક કે જેમાં સુશોભન થઈ શકે તે રીતે, તેમજ ઉર્જા પણ મળી રહે તે માટેના સોલાર ટ્રી લગાવવાનું આયોજન કરવામાં આવ્યું છે, અને અંદાજે દોઢ કરોડના ખર્ચે બંને ગાર્ડનમાં ૬ સોલાર ટ્રી લગાવવાની કામગીરી શરૂ કરી દેવામાં આવી છે. જેના ભાગરૂપે પ્રથમ તબક્કે જામનગરના રણમલ લેક પરિસરમાં ૧૫-૧૫ કિલો વોટ ના બે ટ્રી લગાવાયા છે, જ્યારે ૧૦- ૧૦ કિલો વોટ ના બે સોલાર ટ્રી ફીટ કરવામાં આવ્યા છે. આ ઉપરાંત રણમલ લેક પરિસરમાં અનુરૂપ જગ્યા જોઈને એક મોટી સાઇઝનો ગઝીબો પણ લગાવવામાં આવશે, કે જે મોટો તૈયાર થઈને તેની નીચે સહેલાણીઓ બેસી શકે, તેવી પણ વ્યવસ્થા ઊભી કરાશે. જે કામગીરી પૂર જોશમાં ચાલી રહી છે. આગામી એપ્રિલ માસમાં વિજ તંત્ર સાથે કરાર અને ખાતાકીય કાર્યવાહી પૂર્ણ કરી લીધા બાદ તેને કાર્યરત કરી દેવામાં આવશે. જેમાંથી વીજળી ઉત્પન્ન કરી લેવાશે. આ ઉપરાંત એમ્યુઝમેન્ટ પાર્કમાં ૧૫ કિલો વોટ ના બે ટ્રી લગાવી દેવામાં આવ્યા છે. ઉપરાંત ત્યાં પણ એક ગઝીબો લગાવવા માટેની કાર્યવાહી ચાલી રહી છે. આગામી દિવસોમાં સમગ્ર કાર્યવાહી પૂર્ણ થયા બાદ એપ્રિલ માસમાં તેને કાર્યરત કરી દેવાશે, જેથી લોકો માટે સુશોભનની સાથે સાથે વીજળી ઉત્પાદનનું માધ્યમ પણ બની રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
