NOTIFICATION
Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
- You are here:
- મુખ્ય સમાચાર
- વિગતવાર સમાચાર
Author: નોબત સમાચાર
રશિયાના રાષ્ટ્રપતિ પુતિનનું સ્વાસ્થ્ય ખરાબ હોઈ ટૂંક સમયમાં મોતને ભેટશે
યુક્રેનના રાષ્ટ્રપતિ ઝેલેન્સ્કીનો દાવો
પેરિસ તા. ૨૭: રશિયાના રાષ્ટ્રપતિ પુતિનનું સ્વાસ્થ્ય ખરાબ હોઈ તે ટૂંક સમયમાં મોતને ભેટશે, તેવો દાવો યુક્રેનના રાષ્ટ્રપતિ ઝેલેન્સ્કીએ કર્યો છે.
યુક્રેનના રાષ્ટ્ર પ્રમુખ વ્લાદિમીર ઝેલેન્સ્કીએ રશિયાને લઈને તીખી ટિપ્પણી કરી છે. એક મીડિયા રિપોર્ટને ટાંકીને તેમણે કહૃાું કે, 'વ્લાદિમીર પુતિનનું જલ્દી મોત થશે અને આ હકીકત છે. પુતિનનું સ્વાસ્થ્ય ખરાબ છે.' એક તસવીર શેર કરતાં પશ્ચિમી મીડિયાએ દાવો કર્યો છે કે, વ્લાદિમીર પુતિનનું સ્વાસ્થ્ય બરાબર નથી. આ તસવીરમાં દેખાય છે કે, પુતિને ટેબલને એક હાથે ખૂબ જ મજબૂતાઈથી પકડ્યું છે. આ જ આધારે તેમની તબિયતને લઈને દાવા કરવામાં આવી રહૃાા છે. જણાવી દઈએ કે, પશ્ચિમી મીડિયા અવાર-નવાર પુતિનની તબિયતને લઈને આવી આશંકા વ્યક્ત કરતી રહે છે.
બુધવારે ઝેલેન્સ્કીની મુલાકાત ફ્રાન્સના નેતા ઇમેનુઅલ મેક્રો સાથે થઈ હતી. આ દરમિયાન ઝેલેન્સ્કીએ કહૃાું કે, પુતિન તો યુરોપને પણ ટાર્ગેટ કરવા ઇચ્છે છે. જેના માટે અંદરથી જ અભિયાન શરુ કરી દીધું છે અને હંગેરી તેમની સાથે છે. પરંતુ, જલ્દી વ્લાદિમીર પુતિનનું મોત થઈ જશે. આ હકીકત છે અને આ સાથે જ તમામ સંઘર્ષ સમાપ્ત થઈ જશે. મને વિશ્વાસ છે કે, અમેરિકાના દબાણમાં કોઈપણ શરત વિના રશિયા યુદ્ધવિરામ માટે રાજી થઈ જશે. અમે શાંતિ ઇચ્છીએ છીએ પરંતુ, રશિયા સતત અમારી ઉપર હુમલા કરાવી રહૃાું છે. તે સામાન્ય નાગરિકો પર પણ હુમલા કરાવે છે. યુદ્ધવિરામની શરત એકલું રશિયા નક્કી ન કરી શકે.
ઉલ્લેખનીય છે કે, યુક્રેનના મામલે ગુરુવારે યુરોપિયન યુનિયનના દેશોની એક બેઠક મળી હતી. આ બેઠકમાં નક્કી કરવામાં આવશે કે, કેવી રીતે યુદ્ધવિરામ કરાર કરવામાં આવશે. એક વિકલ્પ એ પણ છે કે, એવા યુરોપિયન દેશોની સેના પણ યુક્રેનમાં તૈનાત કરવામાં આવે, જે ઇચ્છુક હોય. જોકે, ઈમેનુએલ મેક્રોન તેના વિરોધમાં છે. તેમનું કહેવું છે કે, જો આવું થયું તો પછી યુરોપ સીધું રશિયાના મુકાબલે આવી જશે. એટલું જ નહીં જો રશિયાએ યુક્રેન પર હુમલો કર્યો તો એક તરફથી શાંતિ સેનાઓ પર પણ અટેક થશે. અમેરિકામાં સ્પષ્ટ મત છે કે, રશિયા અને યુક્રેન વચ્ચે યુદ્ધવિરામ કરાર થવો જોઈએ. યુક્રેન તે વિશે રાજી છે પરંતુ, રશિયા તરફથી એના માટે અમુક શરત મૂકવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
MARKET
હવામાન
શબ્દવ્યુહ
MARKET
હવામાન
