Author: નોબત સમાચાર
જામખંભાળિયામાં રૂપિયા ૮૦ લાખના ખર્ચે નિર્મિત સ્વીમીંગ પુલ જનતા માટે ખુલ્લો મૂકવાના પ્રયાસો
સ્પોર્ટસ ઓથોરિટીને સંચાલન સુપ્રત કરીને
ખંભાળિયા તા. ર૭: સ્પોર્ટસ ઓથોરીટીને સંચાલન સોંપીને ખંભાળિયામાં લાંબા સમયથી બંધ પાલિકાના સ્વીમીંગ પુલને ચાલુ કરવા પ્રયત્નો શરૂ થયા છે.
દેવભૂમિ દ્વારકા જિલ્લાના વડા મથક ખંભાળિયા શહેરમાં એક પણ સ્વીમીંગ પુલ ના હોય, પાલિકા બગીચામાં ર૦ર૩-ર૪ ની સાલમાં અદ્યતન સુવિધા તથા નહાવા અને કપડા બદલવાની ઓરડીઓ સાથેની સુવિધાવાળો સ્વીમીંગ પુલ ૮૦ લાખના ખર્ચે તૈયાર થયો હતો જે હજુ પણ બંધ રહેતા લોકોને ઉનાળામાં આ સગવડતા મળે તે માટે તંત્રએ પ્રયત્નો શરૂ કર્યા છે.
પાલિકા ચીફ ઓફિસર ચેતનભાઈ ડુડિયાએ એક મુલાકાતમાં જણાવ્યું હતું કે આ સ્વીમીંગ પુલનું સંચાલન વ્યવસ્થિત કોચ દ્વારા થાય તે માટે પાલિકા દ્વારા ત્રણેક વખત જાહેરાત છતાં કોઈ ના આવતા તથા આ સ્વીમીંગ પુલ બંધ હોવા બાબતે ખંભાળિયાના ધારાસભ્ય તથા રાજ્યના વન પ્રવાસન મંત્રી મૂળુભાઈ બેરાના ધ્યાને આવતા તેમણે સ્પોર્ટસ ઓથોરીટી દ્વારા આનું સંચાલન થાય તે માટે કાર્યવાહી કરવા જણાવતા પાલિકા તંત્ર દ્વારા એ રીતે સંચાલન થાય અને સ્પોર્ટસ ઓથોરીટીના કોચના માર્ગદર્શનમાં પાલિકા દ્વારા માનવબળ પૂરૂ પાડીને ઉનાળનો સમય હોય, આ વર્ષે જ સ્વીમીંગ પુલ ચાલુ થાય અને જનતાને તેનો લાભ મળે તે માટે પાલિકા દ્વારા આયોજન કરાયાનું પણ ચીફ ઓફિસર ચેતન ડુડિયાએ જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
