Author: નોબત સમાચાર
સરકાર હવે સહકારી ટેક્સી સેવાનો કરશે પ્રારંભઃ કેન્દ્રિય ગૃહમંત્રીની જાહેરાત
ઉબેર, ઓલા જેવી કંપનીઓએ ટેક્સી ડ્રાઈવરોનો નફો ઘટાડી દેતા
નવી દિલ્હી તા. ર૭: ઓલા, ઉબેર જેવી કંપનીઓ માટે ખતરાની ઘંટડી વાગી છે. સહકારી રણે ટેક્સી સેવા શરૂ કરવાનો સરકારનો પ્લાન કેન્દ્રિય ગૃહમંત્રી અમિત શાહે જાહેર કર્યો છે.
કેન્દ્રિય ગૃહમંત્રી અમિત શાહે સંસદમાં મોટી જાહેરાત કરી હતી. તેમણે કહ્યું કે, 'સરકારના પ્રયાસોથી ટૂંક સમયમાં સહકારી ટેક્સી સેવા શરૂ કરવામાં આવશે. આ અંતર્ગત કાર, ઓટો અને બાઈક ટેક્સી ચલાવતા લોકો નોંધણી કરાવી શકશે. આનાથી થનારો સંપૂર્ણ નફો સીધો ડ્રાઈવરને જશે અને તેની પાસેથી કોઈ કમિશન લેવામાં આવશે નહીં.'
નોંધીય છે કે, અમિત શાહ સહકાર મંત્રાલય પણ સંભાળે છે અને આ સંબંધિત એક પ્રશ્નના જવાબમાં તેમણે સંસદમાં આ માહિતી આપી હતી. તેમણે કહ્યું કે, 'અત્યાર સુધી આવી ટેક્સી સેવાઓમાંથી મળતું કમિશન અમીર લોકોના હાથમાં જતું હતું અને ડ્રાઈવર બેરોજગાર રહેતા હતાં. હવે આવું નહીં થાય અને સહકારી ક્રાંતિ શરૂ થશે.'
કેન્દ્રિય મંત્રીના જણાવ્યાનુસાર 'સહકાર દ્વારા સમૃદ્ધિનો સૂત્ર ફક્ત એક સૂત્ર નથી, પરંતુ અમે તેને જમીન પર અમલમાં મૂક્યો છે. સહકારી ટેક્સી સેવા થોડા મહિનામાં આવી રહી છે. આ સાથે એક સહકારી વીમા કંપની પણ ટૂંક સમયમાં આવશે. તે ટૂંક સમયમાં દેશની સૌથી મોટી વીમા કંપની બનશે.' ઉબેર અને ઓલા જેવી કંપનીઓ સાથે મળીને ટેક્સી ચલાવતા ડ્રાઈવરોએ તેમની કમાણીનો હિસ્સો આપવો પડે છે. સબ્સ્ક્રિપ્શન ફી ચૂકવવી પડે છે અને ડ્રાઈવરો દરેક રાઈડ પર કંપનીને એક નિશ્ચિત કમિશન પણ ચૂકવે છે.
સહકારી ટેક્સી સેવાઓના આગમન સાથે દિલ્હી, મુંબઈ, લખનૌ, પટના, કોલકાતા, ચેન્નાઈ, હૈદરાબાદ, અને બેંગ્લુરૂ જેવા શહેરોમાં પરિવહન વ્યવસ્થામાં મોટો સુધારો થઈ શકે છે. અત્યાર સુધી લોકોને ઓલા અને ઉબેર જેવી ટેક્સી સેવાઓ પર આધાર રાખવો પડે છે. શરૂઆતના તબક્કામાં આ ટેક્સી સેવાઓથી ડ્રાઈવરોને ઘણો ફાયદો થતો હતો, પરંતુ હવે કંપનીઓએ તેમનું કમિશન વધારી દીધું છે. આવી સ્થિતિમાં ટેક્સી સેવામાંથી થતા નફામાં ડ્રાઈવરોનો હિસ્સો નોંધપાત્ર રીતે ઘટી ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
