Author: નોબત સમાચાર
આરોગ્ય કર્મીઓની હડતાલનો ૧૧ મો દિવસઃ નોટીસ પછી ર૮૪ માંથી ૧ર૮ ફરજ પર હાજર
દ્વારકા જિલ્લાના હડતાલી કર્મચારીઓ પહોંચ્યા ગાંધીનગરઃ
ખંભાળિયા તા. ર૭: દ્વારકા જિલ્લામાં આરોગ્ય કર્મીની હડતાલ અગિયારમા દિવસમાં પ્રવેશી છે.
ગુજરાત રાજ્યમાં આરોગ્ય કર્મીઓની ગત્ તા. ૧૭/૩ થી શરૂ થયેલી અચોક્કસ મુદ્તની હડતાલ આજે ૧૧ મા દિવસમાં પ્રવેશી છે. દ્વારકા જિલ્લા આરોગ્ય અધિકારી ડો. સી.બી. પોબીયાએ એક મુલાકાતમાં જણાવ્યું હતું કે, ગત્ તા. ૧૭/૩ થી દ્વારકા જિલ્લામાં હેલ્થવર્કરો કર્મચારીઓની હડતાલ શરૂ થઈ હતી. કુલ ર૮ર જેટલા કર્મચારીઓ હડતાલ પર ઉતર્યા હતાં જેમાંથી કડક પગલાં નોટીસોના પગલે ૧ર૮ જેટલા ફરજ પર આવી ગયા છે, જ્યારે હજુ પણ ૧પ૪ કર્મચારીઓ હડતાલ પર હોય, તેમને એક માસની નોટીસ આપી કારણદર્શક ખુલાસો માંગીને કાં તો ફરજ પર હાજર થાવો અથવા શીસ્તભંગના પગલાની કાર્યવાહી માટે તૈયાર રહોની નોટીસો પણ અપાઈ છે.
એક કર્મચારી સાત વર્ષથી ટ્રીપલ સી ની પરીક્ષા પાસ ના કરી શક્યા હોય તેને નોકરીમાંથી છૂટા કરાયા છે. જિલ્લા કલેક્ટર આર.એમ. તન્ના, ડી.ડી.ઓ. એ.વી. પાંડોરના માર્ગદર્શનમાં જિલ્લા આરોગ્ય અધિકારી ચોબીયા દ્વારા વૈકલ્પિક વ્યવસ્થા ગોઠવવા પ્રયત્નો થયા છે.
દરમિયાન, દ્વારકા જિલ્લાના હડતાલ પર ઉતરેલા આરોગ્ય કર્મીઓ પૈકી ઢગલાબંધ કર્મીઓ મંડળ પ્રમુખ રાજુભાઈ વ્યાસની આગેવાનીમાં ગાંધીનગર પહોંચીને ત્યાં ચાલતી હડતાલમાં જોડાયા હતાં જ્યાં રોજ પાંચ-સાત હજાર કર્મીઓ હડતાલ પર ઉતરે છે. ખાતાકીય પરીક્ષા રદ્ તથા પગાર સુધારવા સહિતના મુદ્દે ચાલતી આ હડતાલથી ગ્રામ્ય પંથકમાં દર્દીઓને હાલાકી પણ શરૂ થઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
