Author: નોબત સમાચાર
દેવભૂમિ દ્વારકા જિલ્લામાં અસામાજિક તત્ત્વો સામેની ઝુંબેશમાં ૭પ સામે પગલાં
રૂ.૩૦ લાખ ઉપરાંતની પકડાઈ વીજચોરીઃ
ખંભાળિયા તા.૨૭ : દેવભૂમિ દ્વારકામાં તમામ પોલીસ મથક દ્વારા અસામાજિક તત્ત્વો સામે પગલાં ભરવાની શરૂઆત કરાયા પછી વીજ ચેકીંગ ટૂકડીને સાથે રાખી કરાયેલી ચકાસણીમાં રૂ.૩૦ લાખ ઉપરાંતનો દંડ ફટકારાયો હતો.
રાજ્યના મુખ્ય પોલીસવડા તથા ગૃહમંત્રીએ ૧૦૦ કલાકમાં નામચીન તત્ત્વોની યાદી તૈયાર કરવા આપેલી સૂચનાના પગલે કાર્યવાહીમાં ભાણવડમાં ત્રણ રાઉન્ડમાં સંખ્યાબંધ અસામાજિક તત્વોને પકડી લેવા ઉપરાંત વીજ ટીમને સાથે રાખી કરાયેલા ચેકીંગમાં રૂ.૮ લાખ ઉપરાંત વીજચોરી પકડી લેવામાં આવી હતી.
સલાયા પોલીસ દ્વારા રૂ.૪.૮૦ લાખની વીજચોરી સાથે ૧૧ તત્ત્વો સામે કાર્યવાહી થઈ હતી. વાડીનાર પોલીસ દ્વારા રૂ.૩ લાખ વીજ દંડ તથા નવ શખ્સ સામે કાર્યવાહી થઈ હતી. કલ્યાણપુર પોલીસ દ્વારા બે રાઉન્ડમાં રૂ.૨.૭પ લાખની વીજચોરી પકડી લઈ ૧૨ વાહન ડીટેઈન કરી ૧૪ શખ્સ સામે કાર્યવાહી કરાઈ હતી.
મીઠાપુરમાં ૨૫ તત્ત્વો સામે પગલાં તથા રૂ.દોઢ લાખનો વીજચોરીનો દંડ થયો હતો. ઓખામાં રૂ.પ લાખ વીજચોરી અને ૬ તત્ત્વો સામે પગલાં લેવાયા હતા. દ્વારકામાં ૨૨ તત્ત્વો સામે પગલાં અને ખંભાળિયામાં ૨૦ તત્ત્વો સામે પગલાં ભરીને પોલીસે કરેલા વીજ ચેકીંગમાં રૂ.૮ લાખની ચોરી પકડવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
