Author: નોબત સમાચાર
ખંભાળિયામાં મીની ટ્રકમાં લઈ જવાતા અગિયાર પશુને મુક્ત કરાવતી પોલીસ
સાત ભેંસ અને ચાર પાડેરાનો સમાવેશઃ
જામનગર તા.૪ ઃ ખંભાળિયા-પોરબંદર હાઈવે પર ગઈરાત્રે જઈ રહેલા એક મીની ટ્રકમાંથી સાત ભેંસ અને ચાર પાડેરા મળી આવ્યા છે. આ મુંગા પશુઓને પાણી કે ઘાસ ચારો મળે તેવી વ્યવસ્થા કર્યા વગર જ આ પશુને લઈ જતા ત્રણ શખ્સ સામે પોલીસે ગુન્હો નોંધી પશુ મુક્ત કરાવ્યા છે.
ખંભાળિયાથી પોરબંદર વચ્ચેના રોડ પર ગઈરાત્રે એક વાહનમાં મુંગા પશુને ઠસોઠસ ભરીને લઈ જવાતા હોવાની બાતમી જીવદયાપ્રેમીઓને મળતા ખંભાળિયા પોલીસને વાકેફ કરાયા પછી ગઈરાત્રે ખંભાળિયા પોલીસે વોચ ગોઠવી દીધી હતી.
તે દરમિયાન પાયલ ચાર રસ્તાથી રેલવે ફાટક વચ્ચે જીજે-૩૭-ટી ૫૨૬૩ નંબરનો મીની ટ્રક પસાર થતાં તેને રોકાવી તલાશી લેવાતા તેમાંથી સાત ભેંસ અને ચાર પાડેરા મળી આવ્યા હતા. પોલીસે તે વાહનમાં પાણી કે ઘાસચારાની વ્યવસ્થા કર્યા વગર જ ખીચોખીચ પશુને લઈને જઈ રહેલા કુવાડીયા પાટીયા નજીક વસવાટ કરતા મહેશ રાણા રાઠોડ, ઉત્તરપ્રદેશના શાહગંજના શકીલ ચુનાભાઈ શેખ, શાહનવાઝ શકીલ શેખ નામના ત્રણ શખ્સની અટકાયત કરી છે અને તમામ ૧૧ પશુને મુક્ત કરાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
