Author: નોબત સમાચાર
ખંભાળિયાના વડત્રાના યુવાનને હની ટ્રેપમાં ફસાવનાર ત્રણ શખ્સ દબોચાયા
યુવાને એક લાખથી વધુ ચૂકવ્યા પછી કરી ફરિયાદઃ
જામનગર તા.૪ ઃ ખંભાળિયાના વડત્રા ગામના એક યુવાનને ખંભાળિયાની યુવતી તથા ત્રણ શખ્સે હનીટ્રેપ માં ફસાવી રૃા.૧ લાખથી વધુ રકમ પડાવી લીધા પછી આ યુવાને પોલીસનું શરણું લીધુ હતું. સ્થાનિક પોલીસ તથા એલસીબી ટીમે તપાસ શરૃ કરી ત્રણ શખ્સને દબોચી લીધા છે.
આ ચકચારી કિસ્સાની વધુ વિગત મુજબ ખંભાળિયા તાલુકાના વડત્રા ગામમાં રહેતા એક યુવાન સાથે ખંભાળિયાની યુવતીનો અગાઉ પરિચય થયા પછી બંને વચ્ચે વાતચીતનો વ્યવહાર થયો હતો.
તે પછી આ યુવતીએ યુવાનને દુષ્કર્મના કેસમાં ફસાવી દેવાની ધમકી આપી પૈસા પડાવવાનું શરૃ કર્યું હતું. સમયાંતરે આ યુવાને રૃા.૧,૧૩,૫૦૦ આપી દીધા હતા. તે પછી પણ વધુ પૈસાની માગણી કરવામાં આવતા આ યુવાને પોલીસની મદદ માંગી હતી. જેના પગલે પોલીસે હનીટ્રેનના આ બનાવની તપાસ શરૃ કરી હતી.
તે પછી ખંભાળિયાના પીઆઈ બી.જે. સરવૈયા તથા એલસીબી પીઆઈ કે.કે. ગોહિલના વડપણ હેઠળની પોલીસ ટૂકડીએ હનીફશા સલીમશા શાહમદાર, વિશાલ સીદુભાઈ માયાણી અને દિલીપસિંહ જીતુભા વાઢેર નામના ત્રણ શખ્સની ધરપકડ કરી પૂછપરછ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
