Author: નોબત સમાચાર
લાભાર્થીઓ ૨૪ ફેબ્રુઆરી સુધી અરજી કરી શકશે
દિવ્યાંગ- પારિતોષિક સ્પર્ધા-૨૦૨૪
જામનગર તા. ૪ઃ સરકાર દ્વારા શ્રેષ્ઠ કાર્યક્ષમ દિવ્યાંગ કર્મચારીઓ/ સ્વરોજગાર કરતી શ્રેષ્ઠ દિવ્યાંગ વ્યક્તિઓ, દિવ્યાંગોને નોકરીએ રાખનાર શ્રેષ્ઠ નોકરીદાતાઑ અને દિવ્યાંગ વ્યક્તિઓને થાળે પાડવાની કામગીરી કરતા પ્લેસમેન્ટ ઓફિસરોને રાજ્ય કક્ષાના પારિતોષિક આપવાની યોજના અમલમાં છે. કચેરીમાં ફરજ બજાવતા કર્મચારીઓ/ અધિકારીઓ તેમજ દિવ્યાંગ કર્મચારીઓને નોકરીમાં રાખનાર અધિકારીઓ (નોકરીદાતાઓ) દિવ્યાંગ-પારિતોષિક મેળવી શકે છે.
જેથી દિવ્યાંગ પારિતોષિક મેળવવા ઇચ્છુક દિવ્યાંગ કર્મચારીઓ/અધિકારીઓ અથવા દિવ્યાંગ કર્મચારીઓને નોકરીમાં રાખનાર અધિકારીઓએ લાગુ પડતા ફોર્મમાં જરૃરી વિગતો ભરીને, જરૃરી આધાર સાથે (૪૦ ટકા કે તેથી વધુ દિવ્યાંગ હોવાનું- ત્રણ માસથી જૂનું ન હોય તેવું- તબીબી પ્રમાણપત્ર, શૈક્ષણિક લાયકાતના તમામ પ્રમાણપત્રો, ખોડ દર્શાવતો પોસ્ટકાર્ડ સાઈઝનો ફોટો અને અન્ય વિગતો વગેરે સાથે) જીલ્લા રોજગાર કચેરી જામનગરને તા. ૨૪-૦૨-૨૦૨૫ સુધીમાં, ત્રણ નકલમાં રૃબરૃ કે ટપાલથી મોકલી આપવાના રહેશે.
અરજી કરતી વખતે દિવ્યાંગ કર્મચારીઓએ રાજ્ય પારિતોષિક માટે પરિશિષ્ટ-અ ભરવાનું છે. દિવ્યાંગ વ્યક્તિઑને કામે રાખનાર નોકરીદાતઓએ એનેક્ષ્યર 'એ' અંગ્રેજીમાં ભરવાનું છે. પ્લેસમેંટ ઓફિસરો માટે એનેક્ષ્યર 'સી' અંગ્રેજીમાં ભરવાનું છે. સ્વરોજગાર કરતા દિવ્યાંગ વ્યક્તિઓએ 'પરિશિષ્ટ-બ' ભરવાનું છે. આ સાથે જરૃરી ફોર્મના વેબ સાઇટ પરથી મેળવી અથવા જિલ્લા રોજગાર કચેરી જામનગરથી તા. ૨૪-૦૨-૨૦૨૫ સુધીમાં કામકાજના દિવસો દરમ્યાન વિનામૂલ્યે મળી શકશે. તેમ રોજગાર અધિકારી જામનગરની યાદીમાં જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
