Author: નોબત સમાચાર
શાળા નં. ૧ લાલવાડીમાં પ્રજાસત્તાક પર્વ નિમિત્તે ધ્વજવંદનઃ વિદ્યાર્થીઓ દ્વારા કસરતના દાવ પ્રસ્તૂત
હાપા રોડ પર આવેલી અને રિલાયન્સ ઈન્ડ. નિર્મિત
જામનગર તા. ૪ઃ જામનગરના હાપા રોડ પર સ્થિત અને રિલાયન્સ ઈન્ડસ્ટ્રીઝ લિ. દ્વારા નિર્મિત શાળા નં. ૧ (લાલવાડી)માં ૭૬માં પ્રજાસત્તાક પર્વની ઉલ્લાસભેર ઉજવણી કરવામાં આવી હતી. શાળાનો સમગ્ર સ્ટાફ, વિદ્યાર્થીઓ તેમજ વાલીશ્રીઓ પર્વની ઉજવણી પ્રસંગે શાળામાં એકત્રિત થયા હતાં. કાર્યક્રમના મુખ્ય અતિથિ મનિષભાઈ કનખરા (પૂર્વ ચેરમેનશ્રી, ન.પ્રા.શિ.સ.-જામનગર તેમજ શાળા પ્રભારીશ્રી)એ રાષ્ટ્રધ્વજ ફરકાવીને તેને સલામી આપી હતી. જેમાં પૂર્વ વોર્ડપ્રમુખ- વેલજીભાઈ નકુમ એસએમસીના સભ્યો, શિક્ષકો, વિદ્યાર્થીઓ તેમજ વાલીગણ જોડાયા હતાં. શાળા પરિવાર દ્વારા અતિથિઓનું અભિવાદન કરવામાં આવ્યું હતું. ત્યારપછી ડ્રમના તાલ સાથે વિદ્યાર્થીઓ દ્વારા કસરતના દાવની રજૂઆત કરવામાં આવી હતી. શાળાના વિદ્યાર્થીનીઓ દ્વારા પ્રજાસત્તાક પર્વને અનુરૃપ વકતવ્ય રજૂ કરવામાં આવ્યું હતું. આ તકે કાર્યક્રમના મુખ્ય અતિથિ મનિષભાઈ કનખરાએ પ્રસંગોચિત ઉદ્બોધન કરી વિદ્યાર્થીઓને પ્રજાસત્તાક ભારતના આદર્શ નાગરિક બનવા માટે વિદ્યાર્થીકાળમાં અભ્યાસનું મહત્વ સમજાવ્યુ હતું. સરકારી શાળાઓમાં વિદ્યાર્થીઓને પૂરી પાડવામાં આવતી સુવિધાઓ તરફ વાલીઓનું ધ્યાન દોર્યુ હતું. બી.એડ. તાલીમાર્થી ભાવેશભાઈએ આભારવિધિ કરી હતી. કાર્યક્રમ માટે સમગ્ર સ્ટાફ ગણ દ્વારા જહેમત ઉઠાવવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
