Author: નોબત સમાચાર
વાનાવડ પાસે બાઈક આડે કૂતરૃં ઉતરતા સર્જાયેલા અકસ્માતમાં વૃદ્ધનું થયું મૃત્યુ
ધ્રોલ પાસે મોટરની પાછળ સ્કોર્પિયો ટકરાઈઃ
જામનગર તા.૪ ઃ ભાણવડના મેવાસા ગામના એક વૃદ્ધ શનિવારે બાઈક પર જામજોધપુર તરફ જતા હતા ત્યારે વાનાવડ ગામના પાટીયા પાસે બાઈક આડે કૂતરૃ ઉતરતા સર્જાયેલા અકસ્માતમાં આ વૃદ્ધ ઘવાયા હતા. તેઓનું સારવારમાં મૃત્યુ થયું છે. ધ્રોલ પાસે મોટર પાછળ સ્કોર્પિયો ટકરાઈ પડતા મોટરમાં નુકસાન થયું છે.
દેવભૂમિ દ્વારકા જિલ્લાના ભાણવડ તાલુકાના મેવાસા ગામના વેજાભાઈ પીઠાભાઈ જાડેજા (ઉ.વ.૬૦) નામના વૃદ્ધ શનિવારે બપોરે ભાણવડ નજીક ત્રણ પાટીયાથી જામજોધપુર જવાના રોડ પર મોટરસાયકલ પર જતા હતા.
તેઓ વાનાવડ ગામના પાટીયા પાસે પહોંચ્યા ત્યારે અચાનક રોડ પર કૂતરૃ આવી જતાં તેની સાથે બાઈક ટકરાઈ પડ્યું હતું. જેના પગલે બાઈક પરથી ફંગોળાયેલા વેજાભાઈ જાડેજાને ગંભીર ઈજા થઈ હતી વધુ સારવાર માટે જામનગરની જી.જી. હોસ્પિટલમાં ખસેડવામાં આવેલા વેજાભાઈનું ગઈકાલે મૃત્યુ નિપજ્યું છે. કલ્યાણપુરના જામ ખીરસરા ગામના રામદેભાઈ મૂળુભાઈ વાઘે પોલીસને જાણ કરી છે. ભાણવડ પોલીસે અપમૃત્યુની નોંધ કરી છે.
સુરતમાં વસવાટ કરતા વિપુલભાઈ જશવંતલાલ પટેલ ગઈકાલે જીજે-પ-જેએસ ૭૯૭૮ નંબરની મોટરમાં જામ નગર તરફ આવવા માટે નીકળ્યા પછી બપોરે અગિયારેક વાગ્યે રાજકોટ-ધ્રોલ માર્ગ પર ધ્રોલના ત્રિકોણ બાગથી આગળ પહોંચ્યા ત્યારે તેમની મોટર પાછળ જીજે-૩-એમએચ ૧૧ નંબરની સ્કોર્પિયો ટકરાઈ પડી હતી. આ અકસ્માતમાં વિપુલભાઈની મોટરને રૃપિયા ત્રીસેક હજારનું નુકસાન થયું છે. તેઓએ સ્કોર્પિયોના ચાલક ફલ્લાના પોપટભાઈ રાણાભાઈ બાંભવા સામે ધ્રોલ પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
