Author: નોબત સમાચાર
જહાજના એન્જિનમાં થયેલી નુકસાની બદલ વળતર ચૂકવવા ફોરમનો આદેશ
વીમા કંપનીએ વ્યાજ પણ આપવું પડશેઃ
જામનગર તા. ૨૭: ખંભાળિયાના સલાયાના એક આસામીએ પોતાના જહાજ માટે વીમો લીધા પછી એન્જિનમાં ખામી થતાં વીમા કંપનીએ વળતર ચૂકવ્યું ન હતું. તેથી વીમા કંપની સામે ગ્રાહક ફોરમમાં ફરિયાદ કરાઈ હતી. ફોરમે વ્યાજ સાથે વળતર ચૂકવી આપવા હુકમ કર્યાે છે.
ખંભાળિયાના સલાયા ગામમાં વસવાટ કરતા અબ્દુલ રહીમ મામદ કેર નામના આસામીએ પોતાના જહાજ માટે ન્યુ ઈન્ડિયા ઈન્સ્યુરન્સ કંપની પાસેથી પોલિસી મેળવી હતી. તે દરમિયાન તેમનું એમએસવી અલહદી નામનું જહાજ દુબઈ ગયું હતું.
આ જહાજને ત્યાં અવાજ આવવાના કારણથી ચકાસાતા મેન એન્જિનમાં બ્લોક ભાંગી ગયેલો જણાઈ આવ્યો હતો. આ નુકસાન અંગે અબ્દુલરહીમે વીમા કંપનીને જાણ કરી હતી પરંતુ વીમા કંપનીએ કલેઈમ ચૂકવ્યો ન હતો.
આ પછી વીમા કંપની સામે જામનગર ગ્રાહક ફોરમમાં ફરિયાદ કરવામાં આવી હતી. તે ફરિયાદ ચાલી જતાં ફોરમે રૂ.૭,૯૮,૦૦૦ની રકમ નવ ટકા વ્યાજ સાથે ચૂકવવા અને ફરિયાદ ખર્ચ તેમજ ત્રાસ બદલ વળતર ચૂકવવા વીમા કંપનીને હુકમ કર્યાે છે. અરજદાર તરફથી વકીલ મયુર કટારમલ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
