Author: નોબત સમાચાર
જૂના રેલવે સ્ટેશન પાસે મીઠાઈની દુકાન સહિત ચાર દુકાનમાં ખાતર
ચોરીનો બનાવ સીસીટીવીમાં કંડારાયોઃ
જામનગર તા. ૨૭: જામનગરના જૂના રેલવે સ્ટેશન પાસે આવેલી મીઠાઈ, ઈલેકટ્રીક સામાન, અગરબત્તી તથા પ્રોવિઝનની ચાર દુકાનમાં ગઈ રાત્રે કોઈ તસ્કરો પતરામાં બાંકોરૂ પાડી અંદર ઉતર્યા પછી હાથફેરો કરી ગયા છે. આ દુકાનોમાં ત્રણેક મહિના પહેલાં પણ આવી જ રીતે તસ્કરોએ કેટલોક સામાન ઉઠાવ્યો હતો. તે પછી ફરીથી આ દુકાનોમાં ચોરી થઈ છે. તસ્કરોની હરકત સીસીટીવી કેમેરામાં કેદ થઈ ગઈ છે. દોડી આવેલી પોલીસે તપાસ શરૂ કરી છે.
જામનગરના જૂના રેલવે સ્ટેશન પાસે ગીતા લોજ નજીક આવેલી ઝૂલેલાલ પ્રોવિઝન સ્ટોર તેમજ બાજુમાં જ આવેલી ઝૂલેલાલ સ્વીટ સહિતની ચાર દુકાનોમાં ગઈરાત્રે છત પર મુકવામાં આવેલા પતરામાં બાકોરૂ પાડી તસ્કરઘૂસ્યા હતા.
રાત્રિ દરમિયાન વારાફરતી ચારેય દુકાનમાં તસ્કરોએ ખાંખાખોળા કર્યા છે. મીઠાઈની દુકાન ઉપરાંત બાજુમાં આવેલી પ્રોવિઝન સ્ટોર, ઈલેકટ્રીક સામાનની દુકાન તથા અગરબત્તીની દુકાનમાં તસ્કરોએ ચોરીનો પ્રયાસ કર્યાે છે. ઉલ્લેખનીય છે કે, ઉપરોક્ત દુકાનોમાં ત્રણેક મહિના પહેલાં પણ ચોરીનો પ્રયાસ થયો હતો. તે પછી ગઈરાત્રે વધુ એક વખત તે દુકાનોમાં તસ્કરો હાથફેરો કરી ગયા છે.
આ બાબતની પોલીસને જાણ કરવામાં આવતા સિટી-બી ડિવિઝન પોલીસ સ્ટેશન તથા એલસીબી ટીમ દોડી આવી હતી. તે દુકાનોમાં મુકવામાં આવેલા સીસીટીવી કેમેરાના ફૂટેજ ચકાસવામાં આવ્યા છે. જેમાં કેટલાક શખ્સોની શંકાસ્પદ હિલચાલ જોવા મળી છે. પોલીસે આ શકમંદોને પકડી પાડવા તજવીજ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
