Author: નોબત સમાચાર
જામનગરમાં ફ્લાઈંગ સ્કવોડ અને સ્ટેટિક સર્વેલન્સ ટીમોમાં ફેરફાર કરવામાં આવ્યા
લોકસભા સામાન્ય ચૂંટણી-૨૦૨૪ અનુસંધાને
જામનગર તા. ૨૭: લોકસભા સામાન્ય ચૂંટણી-૨૦૨૪ અનુસંધાને ૧૨-જામનગર સંસદીય મત વિસ્તારમાં સમાવિષ્ટ જામનગર જિલ્લાના તમામ પાંચ વિધાનસભા મતદાર વિભાગો માટે ચૂંટણી વિષયક કામગીરી સોપવામાં આવેલ હોય અને તે પૈકી જે અધિકારીઓ/ કર્મચારીઓને ચૂંટણીની કામગીરી મુક્ત અને ન્યાયી રીતે કરી શકાય તેમજ કાયદો અને વ્યવસ્થાની પરિસ્થિતિ પર સંપૂર્ણપણે નિયંત્રણ રાખી શકાય તે માટે સરકારના ગૃહ વિભાગના વંચાણે લીધેલ-(૨) જાહેરનામા મુજબ ફોજદારી કાર્યરીતિ ૧૯૭૩ની કલમ-૨૧ હેઠળ ખાસ કાર્યપાલક મેજીસ્ટ્રેટ તરીકેના તથા આ અધિનિયમની કલમ-૪૪, ૧૦૩, ૧૦૪, ૧૨૯ અને ૧૪૪ના અધિકારો મળવાપાત્ર થાય છે.
આ અધિકારો ભોગવવા માટેનો વિસ્તાર અને સમયગાળો નિશ્ચિત કરવા માટે જિલ્લા મેજીસ્ટ્રેટને અધિકૃત કરવામાં આવેલ છે. હાલ ભારતના ચૂંટણી પંચની સુચના અનુસાર રાજકીય પક્ષો/ ઉમેદવારો તરફથી કરવામાં આવતા ખર્ચ ઉપર દેખરેખ અને નિયંત્રણ જળવાઈ રહે તે માટે ફ્લાઈંગ સ્ક્વોડ અને સ્ટેટિક સર્વેલન્સ ટીમોમાં ફેરફાર કરવામાં આવેલ છે અને તેમને ખાસ કાર્યપાલક મેજીસ્ટ્રેટ તરીકેના અધિકારો આપેલ છે.
હાલ આ ટીમોમાં ફેરફાર કરવામાં આવ્યા છે. જેમાં તાલુકા પંચાયત લાલપુરના વિસ્તરણ અધિકારી એન. પી. વિસાણીને કમી કરતા તેમને આપેલ અધિકાર પરત ખેંચવામાં આવેલ છે. તેમની જગ્યાએ તાલુકા પંચાયત જામજોધપુરના વિસ્તરણ અધિકારી શૈલેશ પી. પરમારને ફ્લાઈંગ સ્ક્વોડમાં નિયુકત કરવામાં આવેલ છે. તેમને તે વિસ્તારના કાર્યક્ષેત્રમાં ચૂંટણી પ્રક્રિયા પૂર્ણ થાય ત્યાં સુધીના સમય માટે ખાસ કાર્યપાલક મેજીસ્ટ્રેટના અધિકાર ભોગવવા અધિકૃત કરવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
