Advertisement
Author: નોબત સમાચાર

ગણપતનગર-જાગૃતિનગરમાં દેશી દારૂ બનાવવાની ભઠ્ઠીઓ પર દરોડા

ઈંગ્લીશ દારૂની બોટલ સાથે બે શખ્સ ઝબ્બેઃ

જામનગર તા. ૨૭: જામનગરના પટેલનગરમાં રહેતા શખ્સને પોલીસે દારૂની બોટલ સાથે પકડ્યો છે. તેણે બોટલ આપનારનું નામ આપ્યું છે. શહેરમાં ગણપતનગર તથા જાગૃતિનગરમાંથી દેશી દારૂની બે ભઠ્ઠી પકડી પાડવામાં આવી છે. જામજોધપુરમાંથી એક શખ્સને અડધી બોટલ સાથે ઝડપી લેવામાં આવ્યો છે.

જામનગરના રણજીત સાગર રોડ પર આવેલા પટેલ નગરની શેરી નં.૬માં રહેતા શબ્બીર ઈકબાલ થૈયમ ઉર્ફે સદામ નામના શખ્સને ગઈકાલે પોલીસે દારૂની એક બોટલ સાથે પકડી પાડ્યો છે. તેણે આ બોટલ અટલ બિહારી આવાસમાં રહેતા જયદીપ શંકરલાલ દામા પાસેથી લીધી હોવાની કબૂલાત કરી છે.

જામજોધપુર તાલુકાના કોટડા બાવીસી ગામનો પ્રદીપ ધીરૂભાઈ ગાલોલીયા નામનો શખ્સ દારૂની અડધી બોટલ સાથે જામજોધપુરમાંથી ઝડપાઈ ગયો હતો. તેણે ગીંગણી ગામના પરેશ તાજપરા પાસેથી બોટલ લીધાનું કબૂલ્યું છે. પોલીસે બંને સામે ગુન્હો નોંધ્યો છે.

જામનગરના વુલન મીલ રોડ પર ગણપતનગર પાસે બાવરીવાસમાં ઘનશ્યામ સુલતાન બાવરી નામના શખ્સના ઝૂંપડામાંથી પોલીસે દેશી દારૂની ભઠ્ઠી કબજે કરી છે. ત્યાંથી દારૂ, આથો, ભઠ્ઠીના સાધનો કબજે લેવાયા છે. ત્યારે જાગૃતિનગર-બાવરીવાસ પાસે ગંગાબેન કૈલાસ બાવરીના ઝૂંપડામાંથી પણ દેશી દારૂની ભઠ્ઠી પોલીસે પકડી પાડી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh