Author: નોબત સમાચાર
જામનગરના પ્રદર્શન ગ્રાઉન્ડમાં ૯ માર્ચે સાંસદ ખેલ મહોત્સવ પુર્ણાહૂતિ કાર્યક્રમ
સંસદસભ્યશ્રી દ્વારા ખેલાડીઓનું સન્માન થશે
જામનગર તા. ૭ઃ જામનગરમાં હાલ સાંસદ ખેલમહોત્સવ-ર૦ર૪ ની વિવિધ કક્ષાઓની વિવિધ રમતોની સ્પર્ધાઓ ચાલુ છે. આગામી તા. ૯-૩-ર૦ર૪ ના સાંજે ૬ કલાકે પ્રદર્શન મેદાન, જામનગરમાં સાંસદ ખેલમહોત્સવ-ર૦ર૪ ના પુર્ણાહૂતિ કાર્યક્રમ યોજાશે. સાંસદશ્રી પૂનમબેન માડમના માર્ગદર્શન હેઠળ સાંસદ ખેલમહોત્સવ-ર૦ર૪ નું સમગ્ર આયોજન કરવામાં આવ્યું છે.
સાંસદ ખેલમહોત્સવમાં કબડ્ડી, એથલેટિક્સ, ખો-ખો, વોલીબોલ જેવી ઓલમ્પિક રમતોની સાથે-સાથે પરંપરાગત રમતો જેવી કે, રસ્સાખેંચ, નારગોલ, કોથળા દોડ, લીંબુ ચમી દોડ, સંગીત ખુરશી જેવી રમતોનો સમાવેશ કરવામાં આવ્યો છે. સાંસદ ખેલમહોત્સવની સ્પર્ધાઓમાં ગ્રામ્યકથા, શાળાકક્ષા, તાલુકાકક્ષા, ઝોનકક્ષા તેમજ લોકસભા કક્ષાએ આયોજન કરવામાં આવ્યું છે. તેમજ સાંસદ ખેલમહોત્સવની તાલુકાકક્ષા અને ઝોનકક્ષાની સ્પર્ધામાં ૭પ,૦૦૦ થી વધુ વિવિધ વયજુથમાં સમાવિષ્ટ નાગરિકોએ ભાગ લીધો છે. સાંસદ ખેલમહોત્સવમાં વિજેતા થનારા ખેલાડીઓને સાંસદશ્રી પૂનમબેન માડમના હસ્તે સર્ટીફિકેટ અને ટ્રોફી અર્પણ કરી ખેલાડીઓને સન્માનિત કરવામાં આવશે. સાંસદ ખેલમહોત્સવનો પુર્ણાહૂતિ સમારોહમાં અંદાજીત ૩૦૦૦ જેટલા નાગરિકો અને સ્પર્ધકો ભાગ લેશે તેવી શક્યતા છે. તેમ જિલ્લા રમત વિકાસ અધિકારીશ્રી રમા કે. મદ્રા, જામનગરની યાદીમાં જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
