Author: નોબત સમાચાર
નિકાવામાં યુવતીએ કોર્ટ મેરેજ કરતા તેના બનેવીના પરિવાર પર ત્રણનો હલ્લો
મોટી ખાવડીમાં બસ ડ્રાઈવર પર ચાર તૂટી પડ્યાઃ
જામનગર તા. ૭ઃ જામનગરના મોટી ખાવડી ગામમાં મંગળવારની રાત્રે બસની પાછળ મોટર ટકરાઈ જતાં બસચાલકે મોટરચાલકને કહ્યા પછી તેના પર ચાર શખ્સે ધોકા, ઢીકાપાટુથી હુમલો કર્યાે હતો. જ્યારે કાલાવડના નિકાવામાં પ્રેમલગ્નના મામલે એક વૃદ્ધા અને તેમના પરિવાર પર ત્રણ શખ્સે હુમલો કર્યાે હતો.
જામનગર-ખંભાળિયા માર્ગ પર આવેલા મોટી ખાવડી ગામમાં સતીવાડી વિસ્તારમાં રહેતા અને ટ્રાન્સપોર્ટનો વ્યવસાય કરતા પ્રદ્યુમનસિંહ પ્રતાપસિંહ ગોહિલ મંગળવારની રાત્રે મોટી ખાવડી પાસે પેટ્રોલપંપ નજીક પોતાની બસ સાથે આવ્યા હતા. આ વેળાએ પાછળથી એક મોટર બસને અડકતા પ્રદ્યુમનસિંહે તે મોટરના ચાલક હાર્દિકસિંહ ચુડાસમાને જોઈને ચલાવવાનું કહેતા ઉશ્કેરાયેલા હાર્દિકસિંહે ફોન કરીને તેના મામાને બોલાવ્યા હતા. ત્યારપછી તેના મામા સાથે આવેલા બે અજાણ્યા શખ્સ સહિત ચારેયે ગાળો ભાંડી પ્રદ્યુમનસિંહ પર હુમલો કર્યાે હતો. આ શખ્સોએ ઢીકાપાટુ તથા ધોકાથી માર માર્યાની મેઘપર પોલીસ સ્ટેશનમાં ફરિયાદ કરાઈ છે.
કાલાવડ તાલુકાના નિકાવા ગામમાં રહેતા વિરૃબેન ઈસ્માઈલ નકાણી નામના વૃદ્ધાના ઘર પાસે ગઈ તા.૧ની રાત્રે ધસી આવેલા રહીમ ઈબ્રાહીમ નકાણી, રૃસ્તમ રહીમ તથા રઝાક અલારખા ઓડીયાએ ગાળો ભાંડી પાઈપથી હુમલો કરી વિરૃબેન તથા અન્ય વ્યક્તિઓને માર માર્યાે હતો. તેની ફરિયાદ વિરૃબેને કાલાવડ ગ્રામ્ય પોલીસ મથકમાં નોંધાવી છે.
ફરિયાદમાં તેઓએ જણાવ્યા મુજબ તેમના પુત્ર રફીકની સાળીએ પાડોશમાં રહેતા રહીમના દીકરા રીઝવાન સાથે થોડા દિવસ પહેલાં નાસી જઈને કોર્ટ મેરેજ કરી લીધા હતા. તે બાબતનો ખાર રાખી રીઝવાનના પિતા રહીમ, પુત્ર રૃસ્તમ અને રઝાકે ઘર પાસે આવી રફીકને ગાળો ભાંડી ઝઘડો કર્યા પછી હુમલો કર્યાે હતો. પોલીસે ગુન્હો નોંધી આરોપીઓની શોધ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
