Author: નોબત સમાચાર
જામનગરમાં વાઈરલ થયેલ દિપડાની તસ્વીર વર્ષો જુની છે : વન વિભાગ
દિપડાના આંટાફેરાના વાવડને સાંકળીને
જામનગર તા. ૭ઃ જામનગર જિલ્લાના જુદા જુદા વિસ્તારમાં દિપડાના આંટાફેરા અંગે વાવડો મળી રહ્યા છે. જો કે વન વિભાગની જહેમત ફરી હતી પણ દિપડો સપડાયો નથી. ત્યાંજ ગત રાત્રે ગત હાપા માર્કેટ યાર્ડ વિસ્તારમાં દિપડાની ગતિવિધિ હોવાના વાવડ વહેતા થયા છે. જો કે વન વિભાગે નકારી કાઢયા છે. જામનગરની ભાગોળે માર્કેટ યાર્ડ નજીક દિપડો નજરે ચઢયો હોવાનું અમુક લોકોએ જણાવ્યું હતું જો કે સત્તાવાર કંઈ સમર્થન પ્રાપ્ત થયું નથી. થોડા દિવસ પહેલા લાલપુરના સાજડીયારી વિસ્તારમાં દિપડો દેખાયો હોવાની ચર્ચાએ જોર પકડતા વન વિભાગે પાંજરા ગોઠવ્યા હતા પરંતુ દિપડો પાંજરે પુરાયો નહતો.
ત્યારપછી મોરકંડા વિસ્તારમાં દિપડો દેખાયો હોવાના સીસીટીવી ફુટેજ ફરતા થયા હતાં અને હવે ગઈકાલે યાર્ડ નજીકના વિસ્તારમાં દિપડાના વાવડ મળ્યા છે. જો કે વન વિભાગે કોઈ સત્તાવાર વિગતો જાહેર કરી નથી. જ્યારે યાર્ડના અધિકારીના જણાવ્યા મુજબ અહિં દિપડાના કોઈ વાવડ નથી આમ દિપડાના જિલ્લામાં આંટાફેરાના તસ્વીરો, વીડિયો વાયરલ થઈ રહ્યો છે. પરંતુ કયાંક દિપડાના સત્તાવાર સગડ મળ્યા નથી. વન વિભાગના અધિકારીના જણાવ્યા મુજબ આજે વાઈરલ થયેલી દિપડાની તસ્વીર વર્ષો જુની છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
