Author: નોબત સમાચાર
શંકરટેકરીમાં થયેલી ઘરફોડ ચોરીનો ભેદ ઉકેલાયોઃ ચાર શખ્સ ઝડપાયા
સોના-ચાંદીના દાગીના, રોકડ, મોબાઈલ કબજે કરાયાઃ
જામનગર તા. ૧૭: જામનગરના શંકરટેકરી વિસ્તારમાં ગયા સપ્તાહે એક મકાનમાં થયેલી ચોરીનો ભેદ પોલીસે ઉકેલ્યો છે. ચાર શખ્સને રૂ.૧,૪૬,૫૦૦ના મુદ્દામાલ સાથે પકડી પડાયા છે.
જામનગરના શંકરટેકરી વિસ્તારમાં આવેલા એક મકાનમાં ગઈ તા.૧૧ના દિને સોના-ચાંદીના દાગીના તથા મોબાઈલની ચોરી થયાની પોલીસમાં ફરિયાદ કરવામાં આવી હતી.
તે ગુન્હાની તપાસ સિટી સી ડિવિઝનના પીએસઆઈ વી.બી. બરબસીયા, ઉદ્યોગ નગર પોલીસચોકીના પીએસઆઈ આર.ડી. ગોહિલ તથા સ્ટાફ દ્વારા શરૂ કરાઈ હતી. જેમાં સ્ટાફના યશપાલસિંહ, હોમદેવસિંહને બાતમી મળી હતી. તે બાતમીના આધારે દિગ્વિજય પ્લોટ-૪૯ રોડ પરથી પ્રકાશ ભાણજીભાઈ પરમાર, દિલીપ નાનજીભાઈ જાદવ, મયુર વાલજીભાઈ ચાવડા, નીખિલ રમેશભાઈ ચાવડા નામના ચાર શખ્સને પકડી લેવાયા હતા.
આ શખ્સોની તલાશી લેવાતા તેઓએ ઉપરોક્ત ચોરીને અંજામ આપ્યાની કબૂલાત આપી સોના-ચાંદીના દાગીના, બે મોબાઈલ, રૂ.૧૬૫૦૦ રોકડા કાઢી આપ્યા છે. પોલીસે ચારેય શખ્સની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
