Author: નોબત સમાચાર
નાઘેડીમાંથી પરિણીતાનું અપહરણ કરી જવાના ગુન્હામાં બે આરોપી ઝબ્બે
પ્રેમલગ્ન કરાતા ઉશ્કેરાયા હતા આરોપીઃ
જામનગર તા. ૧૭: જામનગરના નાઘેડી ગામમાં પ્રેમલગ્ન કરનાર એક યુવાનના પરિવાર પર ઘરમાં ઘૂસી હુમલો કરાયો હતો અને તેના પત્નીનું અપહરણ કરી લેવાયું હતું. આ ગુન્હામાં પોલીસે બે આરોપીને ચંગાના પાટિયા પાસેથી પકડી પાડ્યા છે.
જામનગર-ખંભાળિયા માર્ગ પર આવેલા નાઘેડી ગામમાં ગઢવી ચોકમાં રહેતા હાર્દિક ભીખુભાઈ ધોકીયા નામના યુવાને થોડા સમય પહેલાં હાજાભાઈ આંબલીયાની પુત્રી સાથે પ્રેમલગ્ન કર્યા હતા. તે પછી બે મોટરમાં ધસી આવેલા હાજાભાઈ, રાહુલ હાજાભાઈ, કાળુ રામશીભાઈ જોગલ સહિતના વ્યક્તિઓએ હાર્દિક ધોકીયાના ઘરમાં ઘૂસી ધોકા, પટા, ઢીકાપાટુ, કોસથી હુમલો કરી હાર્દિક તથા તેના પરિવારને માર માર્યા પછી તેની પત્નીનું અપહરણ કર્યાની પોલીસમાં ફરિયાદ કરાઈ હતી.
ઉપરોક્ત ગુન્હાની તપાસ પંચકોશી-બી ડિવિઝન પોલીસે હાથ ધરી હતી. જેમાં એલસીબી તથા મેઘપર પોલીસ સ્ટેશનનો સ્ટાફ જોડાયો હતો. તે દરમિયાન પંચકોશી-બી ડિવિઝનના પીએસઆઈ એ.કે. પટેલ તથા સ્ટાફ અને એલસીબીના વનરાજ મકવાણા, ધાનાભાઈ, કે.સી. જાડેજાને મળેલી બાતમીના આધારે ચંગા ગામના પાટિયા પાસેથી મોટા લખીયા ગામના રાહુલ હાજાભાઈ અને ભાણવડના મેવાસાના કાળુ રામશીભાઈની અટકાયત કરી લેવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
