Author: નોબત સમાચાર
જામનગરની એચ.આર.માડમ ફૂટબોલ કલબની ટીમ સૌ પ્રથમ વખત ચેમ્પિયન
જયોતિ સીએનસી પોલીસ કપ ફૂટબોલ ટુર્નામેન્ટ
જામનગર તા. ૧૭: રાજકોટમાં જયોતિ સીએનસી પોલીસ કપ ફૂટબોલ ટુર્નામેન્ટ યોજાઈ હતી. જેમાં જામનગરની એચ.આર. માડમ ફૂટબોલ કલબની ટીમ આ ટુર્નામેન્ટમાં સૌપ્રથમ વખત ચેમ્પીયન બની છે અને ફૂટબોલની રમતમાં પણ જામનગર જિલ્લાનું ગૌરવ વધાર્યું છે.
આ વરસે આ ટુર્નામેન્ટમાં ગુજરાતભરમાંથી ર૯ ટીમે ભાગ લીધો હતો. ૯ મી જૂનથી ૧૬ મી જૂન સુધી ચાલેલી આ ટુર્નામેન્ટમાં જામનગરની ટીમને પ્રથમ મેચમાં બાય મળી હતી. બન્ને મેચ અમદાવાદની સૂર્યવંશી ટીમ સામે ર-૦ થી, ત્રીજો મેચ રાજકોટની માસ્ટર એફસી ટીમ સામે ૧-૦ થી વિજય મેળવી સેમીફાઈનલમાં પહોંચી હતી. સેમીફાઈનલ મેચમાં જામનગરની ટીમે સેન્ટ જોસેફ ટીમને પેનલ્ટી શૂટ આઉટમાં પરાજય આપ્યો હતો ત્યારપછી ફાઈનલ મેચમાં જામનગરના ખેલાડીઓએ ઉત્કૃષ્ટ રમતનું પ્રદર્શન કરી ગાંધીનગરની એફ.સી. ટીમને ૪-૧ થી પરાજીત કરી સૌપ્રથમ વખત ચેમ્પીયન થઈ હતી.
એચ.આર. માડમ ફૂટબોલ કલબની ટીમની પસંદગી, ખેલાડીઓની તાલીમ તથા ટુર્નામેન્ટમાં ભાગ લેવા સહિતના તમામ જવાબદારી ફેડરીક મિરાન્ડા, આનંદભાઈ માડમ, કમલેશભાઈ ચાવડા તથા દુષ્યંતસિંહ ઝાલાએ સંભાળી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
