ભાટીયાઃ મેવાસા બોકસાઈટ માઈન્સ અને જીએમડીસી લિ. દ્વારા ત્રણસો વૃક્ષોનું રોપણ

Author: નોબત સમાચાર

ભાટીયાઃ મેવાસા બોકસાઈટ માઈન્સ અને જીએમડીસી લિ. દ્વારા ત્રણસો વૃક્ષોનું રોપણ

વિશ્વ પર્યાવરણ દિવસની ઉજવણીના ભાગરૂપે

ગત તારીખ પાંચમી જૂનના મેવાસા બોકસાઈટ માઈન્સ જીએમડીસી લિ. દ્વારા વિશ્વ પર્યાવરણ દિવસની ઉજવણી કરવામાં આવી હતી. આ અવસર પર મેવાસા બોકસાઈટ માઈન્સ, જીએમડીસી લિમિટેડના પ્રાંગણમાં મેવાસા બોકસાઈટ પ્રોજેકટના ઈ.જનરલ મેનેજર વિવેક કુમાર સિંઘ, કર્મચારીગણ તથા આરએફઓ મેડમ જાગૃતિ સંખાટ, આર.એફ.ડબ્લ્યુ કલ્યાણપુર વન વિભાગ સ્ટાફ, પરાગ ત્રિવેદી (ફોરેસ્ટ ઓફિસર કલ્યાણપુર) તેમજ વૈભવ કુમાર સિંઘ (મેનેજર - ટાટા સ્ટીલ) ઉપસ્થિત રહ્યા હતાં. પ્રોજેકટના ઈ. જનરલ મેનેજર સિંઘે દ્વારા વિશ્વ પર્યાવરણ દિવસની થી જમીન પુનઃસ્થાપના, રણ અને દુષ્કાળની સ્થિતિ સ્થાપકતા, પર ઉપસ્થિત સૌને જાણ કરી અને તમામને પર્યાવરણ પ્રત્યે પોતાની જવાબદારીઓ પ્રત્યે જાગૃત કર્યા હતાં. તથા ઉપસ્થિત સૌ મહેમાનોએ પર્યાવરણના બચાવ તથા વધુને વધુ વૃક્ષોની વાવણી કરવા પ્રેરિત કર્યા હતાં. આ પછી સૌએ વૃક્ષો વાવીને તેનું જતન કરવાનો પણ નિશ્ચય કર્યો હતો. જીએમડીસી પ્રોજેકટ દ્વારા આ દિવસે ૩૦૦ વૃક્ષારોપણ કરાયું હતું. તેમજ પ્રોજેકટ દ્વારા આ વર્ષ દરમિયાન ર૪૩૦૦ વૃક્ષોનું રોપણ કરવામાં આવ્યું છે.

જો આપને આ પોસ્ટ ગમી હોય તો શેર કરો...