Author: નોબત સમાચાર
અગાઉ થયેલા મનદુખના કારણે વાઘેર વાડામાં યુવાન પર ત્રણ શખ્સે કર્યાે હુમલો
તલવાર, ઢીકાપાટુથી માર મારવામાં આવ્યોઃ
જામનગર તા. ૧૭: જામનગરના વાઘેરવાડામાં શનિવારે રાત્રે એક યુવાન પર અગાઉની માથાકૂટના કારણે ત્રણ શખ્સે તલવાર, ઢીકાપાટુથી હુમલો કરી માર માર્યાે હતો. ઘવાયેલા યુવાનને હોસ્પિટલમાં ખસેડવામાં આવ્યો હતો. પોલીસે તેની ફરિયાદ પરથી હુમલાખોરો સામે ગુન્હો નોંધ્યો છે.
જામનગરના વાઘેરવાડા વિસ્તારમાં રહેતા મયુદ્દીન હબીબભાઈ સચડા નામના વાઘેર યુવાનને થોડા દિવસ પહેલા વાઘેરવાડા નજીક બચુનગરમાં રહેતા ઝુબેર ભાયા તથા મુરતુજા ભાયા અને શબ્બીર ગંઢા નામના શખ્સો સાથે કોઈ બાબતે માથાકૂટ થઈ હતી. તે બાબતનું મનદુખ રાખી શનિવારે રાત્રે સાડા બારેક વાગ્યે બચુનગર પાસે મયુદ્દીનને રોકી લઇ ઉપરોક્ત ત્રણેય શખ્સે તું અમારા વિસ્તારમાં શું કામ આવે છે તેમ કહી ગાળો ભાંડી હુમલો કર્યો હતો.
આ શખ્સોએ તલવાર, ઢીકાપાટુથી માર માર્યો હતો. માથા તથા બંને પગ અને હાથની આંગળીમાં તલવારથી ઈજા પામેલા મયુદ્દીનને સારવાર માટે દવાખાને ખસેડવામાં આવ્યા છે. જ્યાંથી તેઓએ પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
