Author: નોબત સમાચાર
જામનગરમાંથી પાલનપુરના શખ્સને એસઓજીએ ગાંજા સાથે પકડી પાડ્યો
૨ કિલો ૮૦૦ ગ્રામ ગાંજો કબજેઃ બેના નામ ખૂલ્યાઃ
જામનગર તા. ૧૭: જામનગરના દિગ્જામ સર્કલ નજીક પાણીના ટાંકા પાસેથી ગઈકાલે એસઓજીએ એક શખ્સને ૨ કિલો ૮૦૦ ગ્રામ ગાંજા સાથે પકડી પાડ્યો છે. તેણે પોતાના બે સાગરિતના નામ આપ્યા છે.
જામનગરની એસઓજી ટીમ દ્વારા ગઈકાલે શહેરમાં કરાઈ રહેલા પેટ્રોલિંગમાં સ્ટાફના બળભદ્રસિંહ, દિનેશ સાગઠીયા, વિરેન્દ્રસિંહને બાતમી મળી હતી કે, દિગ્જામ સર્કલ નજીકથી એક શખ્સ ગાંજાના જથ્થા સાથે પસાર થઈ રહ્યો છે.
તે બાતમીના આધારે પીઆઈ બી.એન. ચૌધરીના માર્ગદર્શન અને પીએસઆઈ એલ.એમ. જેરના વડપણ હેઠળ વોચ ગોઠવાઈ હતી. જેમાં પાન મસાલાના એક થેલા સાથે પાણીના ટાંકા પાસેથી બનાસ કાંઠા જિલ્લાના પાલનપુરનો મનોજ હરીસિંગ કોળી નામનો શખ્સ મળી આવ્યો હતો. તેના થેલાની તલાશી લેવાતા તેમાંથી ર કિલો અને ૮૦૦ ગ્રામ ગાંજો સાંપડ્યો હતો. એસઓજીએ રૂ.૨૮ હજારનો ગાંજો તથા આ શખ્સનો મોબાઈલ કુલ રૂ.૩૮ હજારનો મુદ્દામાલ કબજે લીધો છે.
આ શખ્સની પૂછપરછ કરાતા તેણે પોતાના સાગરિત કિશન હરીસીંગ કોળી તથા જામનગરના રાજા કોળીનું નામ આપ્યું છે. ત્રણેય સામે સિટી સી ડિવિઝન પોલીસ સ્ટેશનમાં એનડીપીએસ એક્ટ હેઠળ ગુન્હો નોંધાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
