Author: નોબત સમાચાર
કાલાવડના ભાયુ ખાખરીયાના ખેતરમાં ઝેરી જનાવર કરડી જતાં મહિલાનું મોત
મરચાનું નિંદણ કરતી વેળાએ બન્યો બનાવઃ
જામનગર તા. ૫ઃ કાલાવડ ગામના ભાયુ ખાખરીયા ગામ સ્થિત ખેતરમાં મજૂરીકામ માટે આવીને રહેતા પરપ્રાંતીય મહિલાને ગઈકાલે ઝેરી જનાવર કરડી જતા તેણીનું અસર થઈ જવાથી મૃત્યુ નિપજ્યું છે. પોલીસે મૃતકના પતિનું નિવેદન નોંધી તપાસ આદરી છે.
કાલાવડ તાલુકાના ભાયુ ખાખરીયા ગામમાં અનિરૃદ્ધ સિંહ જાડેજા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશ ના જાંબુવા જિલ્લાના બિલ્વાલ ગામના વતની કમલેશભાઈ બદીયાભાઈ બારીયા નામના યુવાનના પત્ની કમાબેન (ઉ.વ.૩૫) ગઈકાલે બપોરે ખેતરમાં ઉગેલા મરચામાં નિંદણ કરતા હતા. આ વેળાએ તેમના પગમાં કોઈ ઝેરી જનાવર કરડી જતા આ મહિલા બેશુદ્ધ બની ઢળી પડ્યા હતા. તેઓને સારવારમાં ખસેડવામાં આવ્યા પછી ટૂંકી સારવારના અંતે તેઓનું મૃત્યુ નિપજ્યું છે. પતિ કમલેશભાઈ એ પોલીસને જાણ કરી છે. જમાદાર ડી.એસ. જાડેજાએ મૃતદેહનો કબજો સંભાળી અપમૃત્યુ અંગે નોંધ કરી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
