લાલપુરના ધરમપુરમાં વાડીમાંથી મળી આવી દારૃની ૬પ બોટલઃ એકની અટક

Author: નોબત સમાચાર

લાલપુરના ધરમપુરમાં વાડીમાંથી મળી આવી દારૃની ૬પ બોટલઃ એકની અટક

અંધાશ્રમ આવાસના બ્લોકમાંથી ૪૪ બોટલ કબજે કરતી એલસીબીઃ

જામનગર તા. ૫ઃ લાલપુરના ધરમપુરમાં એક ખેતરમાં ગઈરાત્રે એલસીબીએ પૂર્વ બાતમીના આધારે દરોડો પાડી તલાશી લેતા ત્યાંથી એક શખ્સ ઈંગ્લીશ દારૃની ૬પ બોટલ સાથે ઝડપાયો છે. તેણે સાગરિતનું નામ આપ્યું છે. અંધાશ્રમ આવાસના એક બ્લોક માં વહેલી સવારે ત્રાટકેલી એલસીબીએ અંગ્રેજી શરાબની ૪૪ બોટલ કબજે કરી છે. લાલપુરમાંથી એક શખ્સ ત્રણ બોટલ સાથે મળી આવ્યો છે અને દિગ્વિજય પ્લોટમાં બોટલ સાથે એકની અટક કરાઈ છે.

લાલપુર તાલુકાના ધરમપુર ગામની સીમમાં આવેલા એક ખેતરમાં દારૃનો જથ્થો સંતાડીને રાખવામાં આવ્યો હોવાની બાતમી એલસીબીના દિલીપ તલાવડીયા, હિતેન્દ્રસિંહ, કાસમ બ્લોચને મળતા પીઆઈ વી.એમ. લગારીયાને વાકેફ કરાયા પછી પીએસઆઈ પી.એન. મોરી, એ.કે. પટેલના વડપણ હેઠળ રાત્રે ત્રણેક વાગ્યે એલસીબી સ્ટાફે ધરમપુર ગામની સીમમાં એજાઝ રાયબ હાલેપોત્રાના ખેતરમાં દરોડો પાડી તલાશી લીધી હતી.

તે ખેતરમાંથી ભારતીય બનાવટના અંગ્રેજી શરાબની જુદી જુદી બ્રાંડની ૬૫ બોટલ મળી આવી હતી. એલસીબીએ દારૃનો જથ્થો, એક મોબાઈલ સહિત રૃા.૩૧ હજારનો મુદ્દામાલ કબજે કર્યાે છે અને એજાઝ હાલેપોત્રાની અટકાયત કરી છે. આ શખ્સે પ્રાથમિક પૂછપરછમાં પોતાના સાગરિત દેવભૂમિ દ્વારકા જિલ્લાના ભાણવડ તાલુકાના મોરઝર ગામના વિજય ઉગાભાઈ બગડાનું નામ આપ્યું છે.

જામનગરના અંધાશ્રમ ફાટક પાસે આવેલા આવાસના બ્લોક નં.ર૯ અને રૃમ નં.રમાં દારૃનો જથ્થો પડ્યો હોવાની બાતમી એલસીબીના હરદીપ બારડ, મયુરસિંહ, ઋષિરાજ સિંહને મળતા વહેલી સવારે પીઆઈ વી.એમ. લગારીયાના માર્ગદર્શન હેઠળ તે સ્થળે એલસીબીએ દરોડો પાડી ઈંગ્લીશ દારૃની ૪૪ બોટલ ઝડપી લીધી છે. વેચાણ માટે તે જથ્થો મંગાવનાર સંજયસિંહ ભરતસિંહ વાઢેર નાસી ગયો છે. તેના સગડ દબાવાયા છે.

જામનગરના દિ. પ્લોટ વિસ્તારની શેરી નં.૪૯માં આવેલા મંદિર પાસેથી ગઈકાલે સાંજે જઈ રહેલા હિંગળાજ ચોકમાં હીરેન રમેશભાઈ ડોડીયા ઉર્ફે હીરા નામના શખ્સને પોલીસે દારૃની બોટલ સાથે પકડી લીધો છે.

લાલપુરના એસટી બસ સ્ટેન્ડ પાછળ નદીના કાંઠેથી ગઈકાલે સાંજે પસાર થતાં રમઝાન શેરમામદ સંધી નામના શખ્સને લાલપુર પોલીસે રોકી ચેક કરતા તેની પાસેથી ઈંગ્લીશ દારૃની ત્રણ બોટલ મળી આવી હતી. રૃા.૧પ૦૦ની બોટલ કબજે લેવાઈ છે.

જો આપને આ પોસ્ટ ગમી હોય તો શેર કરો...