Author: નોબત સમાચાર
જાહેરમાં ગંજીપાના વડે જુગાર રમતા સાત મહિલા ઝડપાયા
વર્લીનું બેટીંગ લેતા બે શખ્સની અટકાયતઃ
જામનગર તા. ૫ઃ જામનગરના ગુલાબનગર રોડ પર એક શેરીમાં ગઈકાલે સાંજે જાહેરમાં ગંજીપાનાથી જુગાર રમતા સાત મહિલા ઝડપાયા હતા. રૃા.૧૭,૫૦૦ રોકડા પોલીસે પટમાંથી કબજે કર્યા છે. જાગૃતિનગરમાં સિક્કો ઉછાળી જુગાર રમતા બે અને કાલાવડના ખરેડીમાં વર્લીનું બેટીંગ લેતા બે શખ્સ પોલીસની ગિરફતમાં આવ્યા છે. પોલીસે મોબાઈલ સહિતનો મુદ્દામાલ કબજે કર્યાે છે.
જામનગરના ગુલાબનગર રોડ પર રાજપાર્કના ઢાળીયાથી આગળ એક પાર્ટી પ્લોટવાળી શેરીમાં ગઈકાલે સાંજે કેટલાક મહિલા જુગાર રમતા હોવાની બાતમી પરથી સિટી બી ડિવિઝનના સ્ટાફ દ્વારા દરોડો પાડવામાં આવ્યો હતો.
આ સ્થળે ગંજી૫ાના વડે તીનપત્તી રમી રહેલા કાજલબેન કૌશિકભાઈ ગોહિલ, અનીતા બેન દિલીપભાઈ મહેતા, સુરભીબેન કિશનભાઈ ગોહિલ, ખમ્માબેન જયસુખભાઈ ચાવડા, શારદાબેન જયંતિલાલ ચૌહાણ, કુંદનબેન કિશોરભાઈ ચૌહાણ, મીનાબેન મહેશભાઈ મોટવાણી નામના સાત મહિલા તીનપત્તી રમતા મળી આવ્યા હતા. પટમાંથી રૃા.૧૭,૫૦૦ રોકડા કબજે કરી પોલીસે જુગારધારાની કલમ ૧૨ હેઠળ કાર્યવાહી કરી છે.
જામનગરના જાગૃતિનગર માં ગઈકાલે સાંજે જાહેરમાં ચલણી સિક્કો ઉછાળી જુગાર રમતા પોપટભાઈ રામભાઈ ભારવાડીયા, લક્ષ્મણભાઈ સખીલાલ પરમાર નામના બે શખ્સને પોલીસે પકડી લઈ રૃા.૧૫૭૨ ઝબ્બે લીધા છે.
કાલાવડ તાલુકાના ખરેડી ગામના બસ સ્ટેન્ડ પાસે ચબૂતરા નજીક ગઈકાલે સાંજે વર્લીના આંકડા લખી રહેલા દિલીપપરી ધનરાજપરી ગોસ્વામી તથા ઈસુબશા જમાલશા બાનવા નામના બે શખ્સને પોલીસે પકડી પાડી રોકડ, બે મોબાઈલ, વર્લીના આંકડા લખેલી ચિઠ્ઠી કબજે કરી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
