શિક્ષક દિને ડો. એસ. રાધાકૃષ્ણનને વડાપ્રધાન નરેન્દ્ર મોદીની શ્રદ્ધાંજલિ

Author: નોબત સમાચાર

શિક્ષક દિને ડો. એસ. રાધાકૃષ્ણનને વડાપ્રધાન નરેન્દ્ર મોદીની શ્રદ્ધાંજલિ

શિક્ષકોને પાઠવી શુભેચ્છાઓ

નવી દિલ્હી તા. પઃ આજે શિક્ષક દિન હોઈ, વડાપ્રધાન નરેન્દ્ર મોદીએ પૂર્વ રાષ્ટ્રપતિ ડો. સર્વ૫લ્લી રાધાકૃષ્ણનને શ્રદ્ધાંજલિ આપી શિક્ષકોને શુભેચ્છાઓ પાઠવી હતી.

વડાપ્રધાન નરેન્દ્ર મોદીએ શિક્ષક દિન નિમિત્તે શિક્ષકોને શુભેચ્છા પાઠવતા જણાવ્યું હતું કે, આપણા શિક્ષકો તેમના જ્ઞાનથી ભાવિ પેઢીના જીવનને સમૃદ્ધ કરીને રાષ્ટ્ર નિર્માણમાં અમૂલ્ય યોગદાન આપી રહ્યા છે.

વડાપ્રધાન નરેન્દ્ર મોદીએ ગુરુવારે શિક્ષક દિવસના અવસર પર શિક્ષકોને શુભેચ્છા પાઠવી અને ભૂતપૂર્વ રાષ્ટ્રપતિ એસ. રાધાકૃષ્ણનને શ્રદ્ધાંજલિ પી.એમ. મોદીએ સોશિયલ મીડિયા પ્લેટફોર્મ 'એક્સ' પર એક પોસ્ટમાં લખ્યું કે, 'શિક્ષક દિવસની શુભેચ્છા યુવા દિમાગને આકાર આપનારા તમામ શિક્ષકો પ્રત્યે કૃતજ્ઞતા વ્યક્ત કરવાની આ તક છે. ડો. રાધાકૃષ્ણનને તેમની જન્મ જયંતી પર શ્રદ્ધાંજલિ.'

વડાપ્રધાને વધુમાં કહ્યું હતું કે વિદ્યાર્થીઓને જ્ઞાન અને માર્ગદર્શન આપીને તેમના જીવનને ઘડવામાં શિક્ષકોની ભૂમિકા ખૂબ જ મહત્ત્વપૂર્ણ છે અને તેઓ રાષ્ટ્ર નિર્માણમાં અમૂલ્ય યોગદાન આપી રહ્યા છે.

સોશિયલ મીડિયાના 'એક્સ' એકાઉન્ટ પર શિક્ષણ મંત્રાલય દ્વારા પી.એમ. મોદીનો સંદેશ જાહેર કરવામાં આવ્યો હતો. પોતાના સંદેશમાં પી.એમ. મોદીએ લખ્યું કે, વિદ્યાર્થીઓને જ્ઞાન અને માર્ગદર્શન આપીને તેમના જીવનને ઘડવામાં શિક્ષકોની ભૂમિકા ખૂબ જ મહત્ત્વપૂર્ણ છે. શિક્ષકો વિદ્યાર્થીઓને સ્વપ્ન જોવાની પ્રેરણા આપે છે અને તેને સાકાર કરવાની હિંમત પણ આપે છે. વિદ્યાર્થીઓના વ્યક્તિત્વ વિકાસની સાથે શિક્ષકો પણ તેમને દેશના જવાબદાર અને સક્ષમ નાગરિક તરીકે તૈયાર કરવામાં મહત્ત્વની ભૂમિકા ભજવે છે.

જો આપને આ પોસ્ટ ગમી હોય તો શેર કરો...