Author: નોબત સમાચાર
પેલેસ ગ્રાઉન્ડ પાસે મોટરના ગેરેજ પર જઈ પાડોશી શખ્સે સંચાલકને ઈંટ ફટકારી
ઘર પાસે ગેરેજ નહીં ગમતા ધમાલ કર્યાની રાવઃ
જામનગર તા. પઃ જામનગરના પેલેસ ગ્રાઉન્ડ પાસે આવેલા રહેણાંક વિસ્તારમાં ઉભા કરવામાં આવેલા મોટરના એક ગેરેજ પર મંગળવારની બપોરે ત્યાં રહેતો એક શખ્સ ધસી ગયો હતો તેણે ગેરેજ સંચાલક તથા તેના ભાઈને ગાળો ભાંડી ધમાલ મચાવવા ઉપરાંત ઈંટનો છૂટો ઘા કર્યાે હતો. તેની સામે પોલીસમાં ફરિયાદ કરવામાં આવી છે.
જામનગરના સરૂ સેક્શન રોડ પર આવેલા પેટ્રોલપંપ સામેની સત્યસાઈ સ્કૂલ તરફ જવાના રસ્તા પર મહાદેવ મોટર્સ નામનું ગેરેજ ચલાવતા હાર્દિક પ્રવીણભાઈ અજમેરીયા નામના પ્રજાપતિ યુવાને ત્યાં બાજુમાં જ રહેતા જીજ્ઞેશ વિઠ્ઠલાણી નામના શખ્સ સામે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
ફરિયાદમાં જણાવાયા મુજબ તે સ્થળે હાર્દિક તથા તેનો ભાઈ મયુર મહાદેવ મોટર્સ નામનું ગેરેજ ચલાવે છે આ બાબત પાડોશી જીજ્ઞેશને નહીં ગમતા તેણે મંગળવારે બપોરે ગેેરેજ જઈ ગાળો ભાંડ્યા પછી મયુરને લાકડી ફટકારવાની કોશિષ કરી હતી અને ત્યાં પડેલી ઈંટ ઉપાડીને માથામાં ઝીંકી દીધી હતી.
ઉપરોક્ત બનાવ અંગે પોલીસે બીએનએસની કલમ ૧૧૫ (ર), ૩૫૨, ૧૨૫ (ક), જીપી એક્ટની કલમ ૧૩૫ (૧) હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
