Author: નોબત સમાચાર
દ્વારકાના ઓખામઢીથી ગોરીંજા વચ્ચે રેલવે ટ્રેક પર અજાણ્યા યુવાન ચગદાયા
ઊંઘની હાલતમાં ખંભાળિયાના પ્રૌઢનું મૃત્યુઃ
જામનગર તા. રરઃ ખંભાળિયામાં રહેતા એક બીમાર પ્રૌઢ શનિવારે રાત્રે નિદ્રાધીન થયા પછી તેઓનું નિદ્રાની હાલતમાં જ મૃત્યુ નિપજયું છે. જ્યારે ઓખામઢી થી ગોરીંજા વચ્ચેના રેલવે ટ્રેક પર એક અજાણ્યા યુવાને ટ્રેન આડે પાટા પર ઝંપલાવી જિંદગીનો અંત આણ્યો છે.
ખંભાળિયા શહેરના ચમાર વાસમાં રહેતા ભીખુભાઈ અમરાભાઈ વાઘેલા નામના પચ્ચાસ વર્ષના પ્રૌઢ લાંબા સમયથી ખેંચ તથા લીવરની બીમારીથી પીડાતા હતા. તેઓ શનિવારે રાત્રે નિદ્રાધીન થયા પછી રવિવારે સવારે નહીં ઉઠતા તેઓને દવાખાને ખસેડવાની તજવીજ કરાઈ હતી.
આ વૃદ્ધનું બીમારીના કારણે અથવા હૃદયરોગનો હુમલો આવી જતાં મૃત્યુ નિપજ્યાનું તેમના પુત્ર ભાવેશ ભીખુભાઈએ પોલીસમાં જાહેર કર્યું છે.
દ્વારકાના ઓખામઢીથી ગોરીંજા વચ્ચેના ટ્રેક પર શનિવારે રાત્રે બેએક વાગ્યે વંદે ભારત ટ્રેન પસાર થઈ હતી. તે ટ્રેન હેઠળ પિસ્તાલીસેક વર્ષની વયના અજાણ્યા યુવાન ગયા હતા. તેઓએ ટ્રેન આવતી જોઈ હોવા છતાં પાટા પર લંબાવ્યું હતું અને તેમના પરથી ટ્રેનના તોતિંગ પૈંડા ફરી વળ્યા હતા. આ યુવાનનું મૃત્યુ નિપજ્યું છે. રેલવેના કર્મચારી એલ.એસ. તાંતીએ પોલીસને જાણ કરી છે. પોલીસે મૃતકની ઓળખ મેળવવા તપાસ આદરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
