Author: નોબત સમાચાર
દ્વારકાના ચરકલા રોડ પર બાઈક આડે બળદ આવતા અકસ્માતમાં યુવાનનું મોત
મૃતકના ભાઈએ પોલીસને જાણ કરીઃ
જામનગર તા. રરઃ દ્વારકાના ચરકલા રોડ પર શનિવારે રાત્રે એક બાઈક આડે બળદ આવી જતાં બાઈક ટકરાઈ પડ્યું હતું. તેના પરથી ફંગોળાયેલા પરપ્રાંતિય શ્રમિકનું મૃત્યુ નિપજ્યું છે.
દ્વારકા તાલુકાના કોરાડા ગામના વાડી વિસ્તારમાં ભાયાભાઈ ચાવડા નામના ખેડૂતના ખેતરમાં મજૂરી માટે આવીને રહેતા મૂળ મધ્યપ્રદેશ ના અલીરાજપુર જિલ્લાના કુંડી ફળીયાના વતની દિનેશ ભુરસિંગ વસનીયા નામના શ્રમિક શનિવારે રાત્રે નવેક વાગ્યે એમપી ૬૯ એમએફ ૭૬૪ નંબરના બાઈકમાં ચરકલા રોડ પરથી જતા હતા.
તેઓ જ્યારે કોરાડા ગામ પાસે પહોંચ્યા ત્યારે અચાનક જ એક બળદ રોડ વચ્ચે આવી જતા દિનેશભાઈનું બાઈક તેની સાથે ટકરાઈ પડ્યું હતું. બાઈક પરથી ફંગોળાઈ ગયેલા આ યુવાનનું ગંભીર ઈજા થવાથી મૃત્યુ નિપજ્યું છે. મૃતકના ભાઈ સીલદાર ભુરસીંગ વસનીયાએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
