Author: નોબત સમાચાર
ખેતરના શેઢે રમતા રમતા પાણી ભરેલા ખાડામાં પડતાં પાંચ વર્ષના બાળકનું મૃત્યુ
પરપ્રાંતીય શ્રમિક પરિવાર શોકમાં ગરકાવઃ
જામનગર તા. ૨૨: કાલાવડના મછલીવડ ગામમાં મધ્યપ્રદેશથી ખેતમજૂરી માટે આવીને રહેતા એક શ્રમિક પરિવારનો પાંચ વર્ષનો પુત્ર શનિવારે બપોરે ખેતરમાં રમતા રમતા શેઢા પાસે વરસાદી પાણી ભરેલા ખાડામાં ખાબકી ગયો હતો. બાળકનું ડૂબી જવાથી મૃત્યુ નિપજ્યું છે.
કાલાવડ તાલુકાના મછલીવડ ગામમાં આવેલા પરાક્રમસિંહ જાડેજા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશના જાંબુવા જિલ્લાના રજલા તાલુકાના ખડકુઈ ગામના વતની અતુલભાઈ જાંબુડાભાઇ મેડા નામના શ્રમિકનો પાંચ વર્ષનો પુત્ર આનંદ શનિવારે સાંજે પાંચેક વાગ્યે તેના પિતા અતુલભાઇ જ્યારે ખેતરમાં કામ કરતા હતા ત્યારે શેઢા પાસે રમતો હતો.
રમતા રમતા તે બાળક શેઢા પાસે આવેલા વરસાદી પાણી ભરેલા ખાડામાં પડી ગયો હતો. તેના પડવાનો અવાજ સાંભળી દોડી આવેલા અન્ય વ્યક્તિઓએ આનંદને બહાર કાઢી સારવાર માટે કાલાવડની સરકારી હોસ્પિટલમાં ખસેડ્યો હતો જ્યાં ફરજ પરના તબીબે આ બાળકનું વધુ પડતું પાણી પી જવાથી મૃત્યુ થયાનું જાહેર કરતા પિતા અતુલભાઇએ પોલીસને જાણ કરી છે. કાલાવડ ગ્રામ્યના જમાદાર જી.આર. ચાવડાએ અતુલ મેડાનું નિવેદન નોંધી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
