Author: નોબત સમાચાર
હાપા ખારી, કાલમેઘડા, જોગવડ તથા સેતાલુસ અને મેથાણમાં દારૂ અંગે દરોડા
દેશી દારૂ, આથો, ભઠ્ઠીના સાધનો કબજેઃ
જામનગર તા. ૨૨: જામનગરના હાપા ખારી વિસ્તાર ઉપરાંત કાલાવડના કાલ મેઘડા, જામજોધપુરના મેથાણ, લાલપુરના સેતાલુસ તેમજ જોગવડ ગામમાં પોલીસે દરોડા પાડી દેશી દારૂ, આથો તેમજ ભઠ્ઠીના સાધનો સહિતનો મુદ્દામાલ કબજે કર્યાે છે.
જામનગર નજીકના હાપા ખારી વિસ્તાર આવેલા નારણભાઈ લખમણભાઈ વીર નામના શખ્સના ઝૂંપડામાં ગઈકાલે સવારે પંચકોશી એ ડિવિઝનના સ્ટાફે દરોડો પાડી તલાશી લેતાં ત્યાંથી દેશી દારૂની ભઠ્ઠી મળી આવી હતી. સ્થળ પરથી દારૂ, આથો, સાધનો કબજે કરાયા છે.
જામનગર તાલુકાના ખીમલીયા ગામમાં કુંવરબેન ભીખાભાઈ વિજાણીના ઝૂંપડામાં પણ દેશી દારૂની ધમધમતી ભઠ્ઠી મળી આવી હતી. ત્યાંથી પણ દારૂ, આથો, સાધનો કબજે કરાયા છે.
કાલાવડ તાલુકાના કાન મેઘડા ગામના રોડ પર બેનાબેન અરવિંદભાઈ વાઘેલા નામના મહિલાના ઝૂંપડામાંથી આથો મળી આવ્યો છે.
કાલાવડના નાગપુર ગામે માંઢવાળી સીમમાંથી શૈલેષ પાંચાભાઈ પરમાર નામનો શખ્સ આથા સાથે ઝડપાયો છે. જ્યારે મોટા ભાડુકીયા ગામમાં અજય રવજી જખાણીયાની દેશી દારૂની ભઠ્ઠી પોલીસે પકડી પાડી છે.
જામજોધપુર તાલુકાના મેથાણ ગામમાં જયોત્સનાબેન ખીમાભાઈ બાબરીયા નામના મહિલાના ઝૂંપડામાંથી દેશી દારૂ તથા આથો મળી આવ્યા હતા. જ્યારે લાલપુરના સેતાલુસમાં ચારણનેસમાંથી ધાનીબેન ભલસુર ચારણના ઝૂંપડામાંથી દારૂ, આથો તેમજ જોગવડ ગામના પાટીયા પાસે દશરથ ગગરાજ સુમાત નામના શખ્સના મકાનમાંથી આથો ઝડપાઈ ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
