Author: નોબત સમાચાર
રૂ.સાડા આઠ લાખના ચેક પરતના કેસમાં સજાના હુકમ સામે અપીલ રદ્દ
નીચેની કોર્ટનો સજાનો હુકમ યથાવતઃ
જામનગર તા.૨૨ : લાલપુરના મોડપર ગામના એક આસામી સામે રૂપિયા સાડા આઠ લાખના ચેક પરતની બે ફરિયાદ કરાઈ હતી. તે કેસ અદાલતે એક-એક વર્ષની કેદની સજા અને ચેક મુજબનો દંડ ફટકાર્યાે હતો. તે હુકમ સામે ઉપરની અદાલતમાં અપીલ કરાઈ હતી. સેશન્સ કોર્ટે નીચેની કોર્ટનો હુકમ યથાવત રાખ્યો છે.
લાલપુર તાલુકાના મોડપર ગામના રહેવાસી કોન્ટ્રાક્ટર માલદે વજશીભાઈ ગાગીયાને નાણાકીય જરૂરિયાત ઉભી થતાં તેઓએ દેવભૂમિ દ્વારકા જિલ્લાના કલ્યાણપુર તાલુકાના બાંકોડી ગામના વજશીભાઈ ભીખાભાઈ ગોજીયા પાસેથી ચાર મહિના માટે ઓક્ટોબર ૨૦૧૬માં રૂપિયા સાડા આઠ લાખ હાથઉછીના મેળવી બે ચેક લખી આપ્યા હતા.
તે બંને ચેક પાકતી મુદ્દતે બેંકમાં ભરવામાં આવતા અનુક્રમે રૂ.૪ લાખ તથા રૂપિયા સાડા ચાર લાખના આ ચેક અપૂરતા નાણા ભંડોળના શેરા સાથે પરત ફર્યા હતા. તેથી વજશીભાઈએ નોટીસ પાઠવી હતી. તેમ છતાં નાણા આપવામાં ન આવતા જામનગર અદાલતમાં બે ફરિયાદ નોંધાવાઈ હતી.
તે કેસ ચાલવા પર આવતા આરોપી પક્ષે તેઓ ફરિયાદીને ઓળખતા ન હોવાનું અને કોઈ નાણાકીય વ્યવહાર ન થયાનું જણાવી ફરિયાદીએ આવી રકમ તેમના ઈન્કમટેક્સ રિટર્નમાં પણ દર્શાવી નથી અને રકમ આપ્યાની નોંધ રજૂ કરી નથી તેવી દલીલ કરવા ઉપરાંત ઉમેર્યું હતું કે આ રકમ આપવા ફરિયાદી સક્ષમ નથી. તેઓની પાસે કોઈ રીતે ચેક આવી જતાં તેઓએ ફરિયાદ નોંેંધાવી છે. તેની સામે ફરિયાદ પક્ષે કરેલી દલીલો ગ્રાહ્ય રાખી અદાલતે બંને કેસમાં આરોપી માલદે વજશીભાઈને તક્સીરવાન ઠરાવી એક-એક વર્ષની કેદની સજા અને ચેકની રકમ વળતર પેટે ચૂકવી આપવાનો હુકમ કર્યાે હતો અને વળતર ન ચૂકવાય તો વધુ છ મહિનાની કેદની સજા ફટકારી હતી.
તે હુકમ સામે આરોપી માલદે વજશીભાઈએ સેશન્સ કોર્ટમાં બે અપીલ નોંધાવી હતી. તે અપીલ ચાલી જતાં ન્યાયમૂર્તિ આર.વી. માંડાણીએ નીચેની અદાલતનો હુકમ યથાવત રાખી આરોપીને ૧૫ દિવસમાં સરન્ડર કરવા અને રૂ.૮૫૦૦ ખર્ચ પેટે ફરિયાદીને ચૂકવી આપવાનો હુકમ કર્યાે છે. અપીલમાં ફરિયાદી વજશીભાઈ ગોજીયા તરફથી વકીલ ઉદયસિંહ ચાવડા, જયેશ કારસરીયા, બેનઝીર જુણેજા, કપિલ તીર્થાણી રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
