Author: નોબત સમાચાર
રાજ્યસભાના સાંસદ અને નગરસેવકને દેશની સર્વોચ્ચ અદાલત દ્વારા મળી રાહત
એફઆઈઆર રદ્દની અરજી સુપ્રિમ કોર્ટમાં રજૂઃ
જામનગર તા.રર : જામનગરમાં યોજાયેલા સમૂહ શાદીના કાર્યક્રમમાં ઉપસ્થિત રાજ્યસભાના સાંસદ અને જામનગરના એક નગરસેવક સામે ધાર્મિક લાગણી દુભાય અને દેશની એકતા જોખમાય તે પ્રકારનું ગાયન સાથેનું વીડિયો રેકોર્ડિંગ વાયરલ થયા પછી ગુન્હો નોંધાયો હતો. તે અંગેની એફઆઈઆર રદ્દ કરવા રાજ્ય ની વડી અદાલતમાં અરજી કરાયા પછી તે રદ્દ થતાં દેશની સર્વોચ્ચ અદાલતમાં અરજી કરવામાં આવી હતી. જેમાં હાલ પૂરતી રાહત મળી છે.
જામનગરમાં તાજેતરમાં યોજાયેલા સમૂહશાદીના એક કાર્યક્રમમાં રાજ્યસભાના કોંગ્રેસના સાંસદ ઈમરાન પ્રતાપ ગઢી સહિતના મહાનુભાવો ઉપસ્થિત રહ્યા હતા. તે કાર્યક્રમનો એક વીડિયો સોશિયલ મીડિયા પર વાયરલ થયો હતો. જેમાં વિવાદિત ગાયન જોડવામાં આવ્યું હતું.
તે વીડિયો અંગે એક વ્યક્તિએ સિટી એ ડિવિઝન પોલીસ સ્ટેશનમાં રાજ્યસભા સાંસદ ઈમરાન પ્રતાપગઢી તથા સમૂહશાદીના આયોજક જામનગર મહાનગરપાલિકાના વિરોધપક્ષના પૂર્વ નેતા અને નગરસેવક અલ્તાફ ખફી સામે દેશની એકતા જોખમાય અને વૈમનસ્ય ભડકે તેવા ગાયન જોડવા અંગે ફરિયાદ નોંધાવતા પોલીસે ગુન્હો નોંધ્યો હતો.
તે ગુન્હાની એફઆઈઆર રદ્દ કરાવવા સાંસદ ઈમરાન પ્રતાપગઢી દ્વારા હાઈકોર્ટમાં અરજી કરવામાં આવી હતી. તે અરજી રદ્દ કરાતા રાજ્યસભાના સાંસદે સુપ્રિમ કોર્ટની રાહ પકડી હતી. દેશની સર્વોચ્ચ અદાલતે ઈમરાન પ્રતાપગઢીને હાલ પૂરતી રાહત આપી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
