Author: નોબત સમાચાર
હાલારની ૬ નગરપાલિકાઓમાં ચૂંટણીના પડઘમઃ રાજકીય હલચલ
રાજ્યની ૬૬ નગરપાલિકા, એક મનપા, ત્રણ તાલુકા પંચાયતની ચૂંટણી થશેઃ
જામનગર તા. રરઃ ગઈકાલે રાજ્ય ચૂંટણી પંચે રાજ્યની એક મનપા, ૬૬ નગરપાલિકાઓ તથા ૩ તાલુકા પંચાયતોની ચૂંટણી જાહેર કરી છે, જેમાં હાલારની ૬ નગરપાલિકાઓનો સમાવેશ થતો હોવાથી રાજકીય હલચલ તેજ બની છે.
રાજ્ય ચૂંટણી પંચ દ્વારા સ્થાનિક સ્વરાજની ચૂંટણી જાહેર કરવામાં આવી છે. રાજ્ય ચૂંટણી પંચ દ્વારા જૂનાગઢ મહાનગરપાલિકા, ત્રણ તાલુકા પંચાયત, ૬૬ નગરપાલિકા તથા જિલ્લા પંચાયતની ચૂંટણીની તારીખો જાહેર કરવામાં આવી છે. રાજ્ય ચૂંટણી પંચે અન્ય ખાલી પડેલી બેઠકો પર પણ ચૂંટણીનો કાર્યક્રમ જાહેર છે. જેમાં હાલારની જામજોધપુર, કાલાવડ, ધ્રોળ, ભાણવડ, સલાયા અને દ્વારકા નગરપાલિકાનો સમાવેશ થાય છે. આ ચૂંટણી જાહેર થતા જ દ્વારકામાં રાજકીય હલચલ તેજ બની ગઈ છે.
રાજ્ય ચૂંટણી પંચે આપેલી માહિતી પ્રમાણે ૧૬ ફેબ્રુઆરીએ મતદાન થશે. મતદાનનો સમય સવારે ૭ કલાકથી સાંજે છ કલાક સુધીનો રહેશે. ચૂંટણી કમિશનર મુરલીક્રિષ્નનએ સ્થાનિક સ્વરાજ્યની ચૂંટણીની જાહેરાત કરી છે. મતગણતરી ૧૮ ફેબ્રુઆરીએ થશે. ર૭ જાન્યુઆરીએ જાહેરનામું પ્રસિદ્ધ થશે. એક મનપા, ૬૬ નગરપાલિકાઓની ચૂંટણીની તારીખ જાહેર કરવામાં આવી છે. ૩ તાલુકા પંચાયતની સામાન્ય ચૂંટણી જાહેર કરવામાં આવી છે. પ્રસંગોપાત ખાલી પડેલી બેઠકો પર ચૂંટણી થશે.
સ્થાનિક સ્વરાજ્યની ચૂંટણીનો કાર્યક્રમ જોઈએ તો આ ચૂંટણીઓ માટે તા. ર૭ જાન્યુઆરીએ જાહેરનામું પ્રસિદ્ધ થશે. ર ફેબ્રુઆરી સુધી ફોર્મ ભરી શકાશે. ૩ ફેબ્રુઆરીએ ફોર્મની ચકાસણી થશે. ૪ ફેબ્રુઆરી સુધી ફોર્મ પરત ખેંચી શકાશે. ૧૬ ફેબ્રુઆરીએ મતદાન થશે. ૧૭ ફેબ્રુઆરીએ જરૂર પડે તો ફેર મતદાન થશે. ૧૮ ફેબ્રુઆરીએ મત ગણતરી થશે. ર૧ ફેબ્રુઆરીએ ચૂંટણી પ્રક્રિયા પૂર્ણ થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
