Author: નોબત સમાચાર
જામનગરના પ્રદર્શન ગ્રાઉન્ડમાં ૨૪ જાન્યુઆરીના ટેલિસ્કોપ દ્વારા નિહાળી શકાશે આકાશી પ્લેન્ડેટ પરેડ
મંગળ, ગુરૂ, શુક્ર, શનિ ગ્રહો એક લાઈનમાં દેખાશે
જામનગર તા. ૨૨: જામનગરના પ્રદર્શન ગ્રાઉન્ડમાં પ્લેનેટ પરેડ નિદર્શન કાર્યક્રમ અંગે રૂપરેખા તૈયાર કરાઈ છે, તે મુજબ જામનગરના નભોમંડળમાં દેખાતા મંગળ ગ્રહ, ગુરુ ગ્રહ, શુક્ર ગ્રહ, તથા શનિના ગ્રહ ઉપર અલગ અલગ ચાર અત્યાધુનિક ટેલિસ્કોપ ગોઠવવામાં આવશે.
જામનગરના પ્રદર્શન મેદાનમાં મેઝિક શોની બાજુમાં આગામી તા. ૨૪મી જાન્યુઆરીના સાંજે ૭ વાગ્યાથી રાત્રીના ૯ વાગ્યા સુધીના સમય ગાળા દરમિયાન આપણા નભોમંડળમાં રહેલા મંગળ ગ્રહ, ગુરૂ ગ્રહ, શુક્ર ગ્રહ તથા શનિ સહિતના ગ્રહોનું ટેલિસ્કોપ દ્વારા પ્રત્યક્ષ નિદર્શન નો કાર્યક્રમખગોળ મંડળ, જામનગર તથા એમ. ડી. મહેતા સાયન્સ સેન્ટર ધ્રોળ દ્વાર રાખવામાં આવ્યો છે. આ કાર્યક્રમ દરમિયાન મંગળના ગ્રહ ની માહિતી એમડી મહેતા સાયન્સ સેન્ટર - ધ્રોળના સંજય પંડયા દ્વારા આપવામાં આવશે, જ્યારે ગુરૂ ગૃહ તથા શનિ ગ્રહો ની માહિતી ખગોળ મંડળ- જામનગરના કિરીટભાઈ વ્યાસ દ્વારા આપવામાં આવશે, અને શુક્રના ગ્રહ તથા આકાશના અન્ય તારાઓની માહિતી કિરીટભાઈ શાહ દ્વારા આપવામાં આવશે.
આગામી ૨૪મી તારીખને શુક્રવારે સાંજે ઉપરોક્ત બંને સંસ્થા દ્વારા જામનગરના પ્રદર્શન મેદાનમાં અત્યાધુનિક ટેલિસ્કોપ ગોઠવવામાં આવશે અને જુદા જુદા ચાર ગ્રહોને અલગ અલગ ચાર ટેલિસ્કોપના માધ્યમથી નિહાળી શકાય તે માટે પ્રત્યેક ગ્રહ ઉપર એક એક ટેલિસ્કોપ મૂકવામાં આવશે, અને જે ગ્રહની તમામ ગતિવિધિઓને ટેલિસ્કોપના માધ્યમથી સેટ કરીને તેની પ્રત્યેક મુવમેન્ટને દર્શાવાશે. સાથો સાથ આકાશ ગંગામાં રહેલા અન્ય તારાઓ વિશેની પણ માહિતી આપવામાં આવશે, અને તે તારાઓને ટેલિસ્કોપના માધ્યમથી દર્શાવવામાં આવશે.
જામનગર શહેર અને આસપાસના વિસ્તારમાં રહેતા ખગોળ પ્રેમીઓએ ઉપરોક્ત તમામ પ્લેનેટ ની પરેડ વિશેની વિશેષ જાણકારી મેળવવા માટે અને ટેલિસ્કોપના માધ્યમથી તેનું પ્રત્યક્ષ નિદર્શન કરવા માટે આગામી તારીખ ૨૪મી જાન્યુઆરીના સાંજના ૭ વાગ્યા થી ૯ વાગ્યાના સમય ગાળા દરમિયાન પ્રદર્શન મેદાનમાં ઉપસ્થિત રહેવા ઉપરોક્ત બંને સંસ્થા દ્વારા અનુરોધ કરાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
