Author: નોબત સમાચાર
ખંભાળિયાના હંસ્થળ પાસે અકસ્માત સર્જનાર મોટરચાલક તરૂણ સામે ગુન્હો
ગઈકાલે સવારે સર્જાઈ હતી ગમખ્વાર ઘટનાઃ
જામનગર તા. ૨૪: ખંભાળિયા તાલુકાના હંસ્થળ ગામના પાટિયા પાસે ગઈકાલે સવારે એક યુવાનનું મોટરની ઠોકરે ચઢી જતાં ઘટનાસ્થળે જ મૃત્યુ નિપજ્યું હતું. મૃતક મિલીટરીમાં મળેલી નોકરીના પગલે ગઈકાલે ફરજ પર હાજર થવા જતા હતા ત્યારે તેમને કાળ આંબી ગયો હતો. મૃતકના મોટાભાઈએ મોટરના ચાલક રાજકોટ જિલ્લાના ધોરીધાર ગામના તરૂણ સામે પોલીસમાં ફરિયાદ નોંધાવી છે.
ખંભાળિયા તાલુકાના વચલાબારા ગામના ૨૦ વર્ષના બ્રિજરાજસિંહ પ્રવીણસિંહ સોઢા ગઈકાલે સવારે આઠેક વાગ્યે હંસ્થળ ગામના પાટિયા પાસે ઉભા હતા ત્યારે જીજે-૩-એલએમ ૪૬૧૦ નંબરની સ્વીફ્ટ મોટરે તેઓને ઠોકર મારી હતી. આ યુવાન મિલીટરીમાં પસંદગી પામ્યા પછી ગઈકાલે ફાઈનલ ડોેક્યુમેન્ટ આપવા તથા નોકરી પર હાજર થવા રાજકોટ જવા નીકળ્યા હતા.
તેઓને મોટરે ઠોકર મારતા તેમની ખોપરી ફાટી ગઈ હતી અને હાથ-પગમાં ગંભીર ઈજા થઈ હતી. આ યુવાનનું ઘટનાસ્થળે જ મૃત્યુ નિપજ્યું હતું. મૃતકના મોટાભાઈ વિરેન્દ્રસિંહ સોઢાએ મોટરના ચાલક રાજકોટ જિલ્લાના જામ કંડોરણા તાલુકાના ધોરીધાર ગામના સાડા સત્તર વર્ષના તરૂણ સામે ખંભાળિયા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
