જામનગર બેઠક પર આ વખતે ઉમેદવારોની સંખ્યા અડધી થઈ ગઈઃ ૧૪ ઉમેદવાર વચ્ચે જંગ

Author: નોબત સમાચાર

જામનગર બેઠક પર આ વખતે ઉમેદવારોની સંખ્યા અડધી થઈ ગઈઃ ૧૪ ઉમેદવાર વચ્ચે જંગ

લોકસભાની ગત્ ચૂંટણીમાં ર૮ ઉમેદવાર મેદાનમાં હતાં:

જામનગર તા. ૨૪: ગત્ લોકસભાની ચૂંટણીની સરખામણીએ વર્ષ ર૦ર૪ માં યોજાયેલ લોકસભા ચૂંટણીમાં જામનગર બેઠક ઉપર ઉમેદવારોની સંખ્યા અડધી એટલે કે ૧૪ ની થવા પામી છે. ગત્ ચૂંટણીમાં ર૮ ઉમેદવારો મેદાનમાં હતાં

જામનગર લોકસભા બેઠકમાં ભાજપના આહિર ઉમેદવાર સામે કોંગ્રેસના પાટીદાર ઉમેદવાર વચ્ચે સીધો જંગ ખેલાનાર છે, આ ઉપરાંત અન્ય પાર્ટીના અને અપક્ષ ઉમેદવારો પણ ચૂંટણી મેદાનમાં છે.

વીરો કે વીર, ઈન્ડિયન પાર્ટીના ઉમેદવાર સતવારા છે અને રાષ્ટ્રીય મહા સ્વરાજ પાર્ટીના ઉમેદવાર પટેલ, બસપાના દલિત સમાજના ઉમેદવાર ચૂંટણી લડી રહ્યા છે.

જ્યારે નવ અપક્ષ ઉમેદવારો ચૂંટણી મેદાનમાં છે. જેમાં દલિત સમાજના ત્રણ, મુસ્લિમ સમાજના પાંચ અને એક ક્ષત્રિય સમાજના છે.

વર્ષ ર૦૧૯ માં યોજાયેલ લોકસભાની ચૂંટણીમાં ર૮ ઉમેદવાર હતાં, જ્યારે ર૦ર૪ ની સામાન્ય ચૂંટણીમાં જામનગર બેઠક માટે ૧૪ ઉમેદવારો ચૂંટણી મેદાનમાં ઉતર્યા છે. એટલે કે ઉમેદવારોની સંખ્યા અડધી થઈ છે.

જો કે ગત્ વખતની ચૂંટણીમાં ર૮ માંથી ભાજપ અને કોંગ્રેસના ઉમેદવારોને બાદ કર્યા પછી બચતા ર૬ ઉમેદવારોને ૪૦૦ થી ૧૦ હજાર મત મળ્યા હતાં. એટલે કે કોઈ ઉમેદવારે ખાસ નોંધનીય મત મેળવ્યા નહતાં કે કોઈ રીતે હરિફાઈમાં પણ ન હતાં.

જો આપને આ પોસ્ટ ગમી હોય તો શેર કરો...