Author: નોબત સમાચાર
દ્વારકાના વસઈની સીમમાંથી મળી દારૂની ભઠ્ઠીઃ દારૂ અને આથાનો ગંજાવર જથ્થો કબજે કરાયો
ભઠ્ઠીના બે સંચાલકો દરોડા પહેલાં થયા પલાયનઃ
જામનગર તા. ૨૪: દ્વારકા તાલુકાના વસઈ ગામમાં આવેલા એક ખેતરમાં ગઈકાલે દ્વારકા એલસીબીએ દરોડો પાડી તૈયાર દેશી દારૂ તથા આથાનો ગંજાવર જથ્થો પકડી પાડ્યો છે. સ્થળ પરથી દારૂ બનાવવાના સાધનો, એક બાઈક સહિતનો મુદ્દામાલ કબજે કરાયો છે. એલસીબીના દરોડા પહેલાં ભઠ્ઠીના સંચાલકો નાસી ગયા છે.
દેવભૂમિ દ્વારકા જિલ્લાના વસઈ ગામની સીમમાં એક ખેતરમાં દેશી દારૂ ગાળવાની ભઠ્ઠી ધમધમતી હોવાની બાતમી દ્વારકા એલસીબીના કુલદીપસિંહ, મશરીભાઈને મળતા પીઆઈ કે.કે. ગોહિલની સુચના અને પીએસઆઈ બી.એમ. દેવમુરારીના વડપણ હેઠળ એલસીબી ટીમે ગઈકાલે વસઈના તે ખેતરમાં દરોડો પાડી તલાશી લીધી હતી.
આ સ્થળેથી લખમણભા નથુભા માણેક, કરશનભા દેવુભા માણેક નામના બે શખ્સ દ્વારા ચલાવવામાં આવતી ભઠ્ઠી મળી આવી હતી. એલસીબી ટી જંગલ જેવો વિસ્તાર પસાર કરી ભઠ્ઠી શોધી કાઢી હતી. ત્યાંથી ૩૦૦ લીટર તૈયાર દારૂ, ૧૧૨૫૦ લીટર આથો, અખાદ્ય ગોળના ૧૫ ડબ્બા, ભઠ્ઠીના સાધનો, ચાર ચૂલા, જીજે-૩૭-એ ૮૮૦૬ નંબરનું બાઈક મળી કુલ રૂ.૮૪૭૯૦ મુદ્દામાલ કબજે કર્યાે છે. દરોડા પહેલાં આરોપી લખમણભા તથા કરશનભા નાસી ગયા હતા. બંને શખ્સની શોધ હાથ ધરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
