Author: નોબત સમાચાર
હવાઈ ચોક પાસેથી ક્રિકેટનો સટ્ટો રમતા શખ્સને ઝડપી લેવાયોઃ બુકીનું નામ ખૂલ્યું
બેડીમાં ગંજીપાના ખેલતા ત્રણ શખ્સ ઝડપાયાઃ
જામનગર તા. ૨૪: જામનગરના હવાઈચોક વિસ્તાર પાસેથી એક શખ્સને પોલીસે ક્રિકેટનો સટ્ટો રમતો ઝડપી લીધો છે. આ શખ્સે કપાત લેતાં બુકીનું નામ આપ્યું છે. બેડીમાંથી ત્રણ શખ્સ ગંજીપાના રમતા ઝડપાયા છે. જ્યારે લાલપુરમાંથી પણ ત્રણ પત્તાપ્રેમીની પોલીસે ધરપકડ કરી છે.
જામનગરના હવાઈચોક વિસ્તારમાં એક ગલીમાં ગઈકાલે રાત્રે એક શખ્સ પોતાના મોબાઈલમાં એક એપ ડાઉનલોડ કરી તેના પરથી આઈપીએલની ગઈકાલની મેચ પર સટ્ટો રમતો હોવાની બાતમી મળતા સિટી એ ડિવિઝનના સર્વેલન્સ સ્ટાફે દરોડો પાડતા ત્યાંથી ગુલાબનગર નજીક રવિ પાર્કમાં રહેતો હરેશ જોઈતરામ અડવાણી નામનો શખ્સ મળી આવ્યો હતો. આ શખ્સ ક્રિકેટનો રનફેર, વિકેટ સહિતના સોદા કરતો હતો. પોલીસે તેનો મોબાઈલ તથા રૂ.૩૭૫૦ રોકડા કબજે કર્યા છે. આ શખ્સે કપાત લેતાં શખ્સના મોબાઈલ નંબર પોલીસને આપ્યા છે.
જામનગરના બેડી વિસ્તારમાં આવેલા અખ્તરરઝા ચોકમાં ગઈકાલે બપોરે તીનપત્તી રમતા મોહસીન કાસમ સુંભણીયા, અકબર અનવર ભોકલ, અકબર ઓસમાણ નંગામણા ઉર્ફે બટેટા નામના ત્રણ શખ્સને બેડી મરીન પોલીસ સ્ટેશનના સ્ટાફે દરોડો પાડી ઝડપી લીધા હતા. પટમાંથી રૂ.૧૫૫૦ અને ગંજીપાના કબજે કરાયા છે.
લાલપુર શહેરમાં ધરારનગર પાસે એક શેરીમાં ગઈકાલે સવારે ગંજીપાનાથી જુગાર રમતા ગમારા કમલેશ પરબતભાઈ, પરેશ કરશનભાઈ પરમાર, યાસીન ઈબ્રાહીમ શાહમદાર નામના ત્રણ શખ્સને લાલપુર પોલીસે પકડી પાડ્યા હતા. પટમાંથી રૂ.૨૦૬૦ રોકડા કબજે કરાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
