Author: નોબત સમાચાર
લાલપુરના ઝાખર ગામમાં મકાનમાંથી દારૂની ૨૦ બોટલ સાથે બે શખ્સ ઝબ્બે
કાલાવડના ખંઢેરા પાસેથી ઝડપાયો દેશી દારૃઃ
જામનગર તા. ૨૪: લાલપુર તાલુકાના ઝાખર ગામમાં આવેલા એક શખ્સના મકાનમાં ગઈરાત્રે મેઘપર પોલીસે દરોડો પાડી તલાશી લેતા ત્યાંથી અંગ્રેજી શરાબની ૨૦ બોટલ મળી આવી હતી. આ જથ્થા સાથે બે શખ્સની પોલીસે ધરપકડ કરી છે. કાલાવડના ખંઢેરા ગામ પાસે એક મહિલાના ઝૂંપડામાંથી પોલીસે દેશી દારૂ તથા દારૂ બનાવવાના સાધનો કબજે કર્યા છે. આ મહિલાની શોધ હાથ ધરાઈ છે.
જામનગર-ખંભાળિયા માર્ગ પર આવેલા ઝાખર ગામના ગૌશાળા પાસે એક શખ્સના મકાનમાં વેચાણ માટે દારૂનો જથ્થો રાખવામાં આવ્યો હોવાની બાતમી પરથી ગઈકાલે રાત્રે મેઘપર પોલીસ સ્ટેશનના સ્ટાફે ત્યાં આવેલા જયરાજસિંહ રણજીતસિંહ રાઠોડના મકાનમાં દરોડો પાડ્યો હતો.
આ મકાનની તલાશી લેવાતા ત્યાંથી ભારતીય બનાવટના અંગ્રેજી શરાબની ૨૦ બોટલ મળી આવી હતી. જથ્થા સાથે જયરાજસિંહ તથા ઝાખર ગામના ધર્મરાજસિંહ મંગળસિંહ વાઘેલાની ધરપકડ કરવામાં આવી છે.
કાલાવડ તાલુકાના ખંઢેરા ગામ પાસે પાણીના ટાંકા નજીક પૂનમબેન પિન્ટુ પરમાર નામના મહિલાના ઝૂંપડામાં ગઈકાલે રાત્રે કાલાવડ ગ્રામ્ય પોલીસ સ્ટેશનના સ્ટાફે પૂર્વ બાતમીના આધારે દરોડો પાડતા ત્યાંથી દેશી દારૂ તથા દારૂ બનાવવાના સાધનો મળી આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
